Upate pual intihhlimna leh inzirtirna hun buatsaih

Zonuna Kawlni /

Nimin khan Aizawl Chanmari YMA Hall-ah Upate pual intihhlimna leh inzirtirna hun buatsaih a ni a, Social Welfare Minister Lalrinpuii chuan a hmanpui a ni.

Directorate of Social Welfare, Mizoram Upa Pawl leh Directorate of Ayush te buatsaih, Upate pual intihhlimna leh inzirtirna hun ah hian Minister Lalrinpuii chuan nu leh pate an lo upat a enkawl hna chu tu leh fate mawhphurhna a ni tih inzirtir thin leh chawinung hnam kan nih angin, upate chu anmahni awmhmun nghet ngei a upat lam hun hahdam leh hlim taka an lo pan theih nan MUP Branch tin in hmun remchang buatsaih tur leh chumi atana lo bengvarpui turin kalkhawmte chu a chah a. Sawrkar laipui pawhin Upate inkawm khawmna tur 'Senior Citizens day Care Center' siam chu a ngaih pawimawh thu leh an hriselna leh thil dang danga Upate hamthatna ngaihtuah pui zel a tum thute tarlangin, Upate enkawltu tur Geratric Caregivers pawh thahnem tak training pek an nih tawh thu te a sawi bawk.

He hunah hian Upate tana thil pawimawh leh tangkai chi hrang hrang, exercise awlsam tak a lak dan, eitur hrisel buatsaih dante leh an hriselna atan a hriattur pawimawh dangte mithiam rual ten zirtirna hun an hmang a, MUP Branch 18 leh Mizo Upa Pawl (Lunglei) hnuaia Branch 4 te hnenah an inkawmhlimna hmun tih phuisui nan Rs 50,000 theuh hlan nghal an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »