I-League Club pahnih in Final khel dawn

Mizoram Premier League (MPL) Season 12-na ah Mizoram atanga I-League Club pahnih ten Final an khel dawn.

MPL12-ah hian League Stage khelh zawh a nih hnuah point hmu sang pali ten Semi Final an khel a, I-League Club Chanmari FC chuan MLS FC chu Semi Final 1st Leg-ah si hnih fai-a hnehin 2nd Leg-ah 3-1 in an hneh leh a, agg-ah 5-1 in Chanmari FC hi an chak a, Final an lut a ni.

Semi Final lehlam ah League Winner leh I-League Club Aizawl FC chuan 1st Leg-ah Dinthar FC chu si hnih faiin an hneh a, nizan hmasa khan 2nd Leg khelh niin hun chanve-ah Aizawl FC hian 2-0 in hma an hruai leh hman a, Flood light that loh avangin nimin khan Second half khelh a ni a, Dinthar FC hian goal khat khung mah se agg-ah Aizawl FC hi 4-1 a chakin Final an lut a, Chanmari FC nen Final an khel dawn ta a ni.