IMD te hmalakna lawmawm a tih thu sawi

Ministry of Science and Technology leh Ministry of Earth Sciences changtun Union Minister Dr. Jitendra Singh chuan Indian Meteorological Department (IMD) in sik leh sa ngun taka an vil thu leh rang taka mipuite hnena hriattirna an chhuah thin chu lawmawm a tih thu a sawi.

Niminpiah a Mizoram a rawn tlawhna ah Union Minister of State Dr. Jitendra Singh IMD chungchang sawiin, IMD chuan ngun takin sik leh sa an vil bakah rang takin mipuite hnena hriattirna an chhuah chu mi tin tan a hlut thu a sawi a, hei hian mipuite himna a pek mai bakah huan lo ram nei te leh tualchhunga eizawnna hrang hrang thawktute tan himna a pe tih a sawi a, chhiatrupna lian tham thleng thei lakah mi tin an inrin theih phah tih sawiin, an hmalakna hrang hrang chu chhuanawm a tih thu a sawi bawk.

Hei bakah hian Dr. Jitendra Singh chuan IMD hotute chu an hnathawh that chhunzawm zel tura chahin, theihtawp chhuaha hmasawn tum zel turin a chah a, an hmalakna hrang hrang zingah tawng tih hmasawn chu a pawimawh tih sawiin, tualchhunga cheng a tam ber tena an hriatthiam theih tur chhawpchhuak sak turin a chah a, tualchhung chanchinbumite ten hemi kawngah hian thawk ho zel turin a chah bawk.