Mizoram Territorial Army lak tur chungchang sawipui

Siaha-a awm 20th Battalion Assam Rifles te chuan nimin khan Siaha-a Assam Rifle Camp-ah MJA member te leh NGO te chu Mizoram Territorial Army lak tur chungchang an sawipui.

He inkawmna ah hian Company Commander Major Sukhraj Singh chuan Territorial Army lak thar tur chu a tha hle tih sawiin, Indian Army dang angin ramchhung hmun hrang hrangah post an ni dawn lova, Mizoram chhungah chauh post an nih tur thu a sawi a. Hei bakah hian Indian Army ten hamthatna a dawn tur ang a dawn vek dawn thu a sawi bawk a. Siaha District atanga tel duhte tan Aizawl Rajiv Gandhi Stadium-ah Recruitment neih a nih dawn thu leh Siaha District atanga tel duhte tan Pre-Training pek bakah Exam inpuahchahna atan Class pek an inhuam thu a sawi bawk a ni.

November ni 15 attnga November ni 25, 2025 chhung khian Territorial Army lak runpui hi Aizawl Salem Veng-a Rajiv Gandhi Stadium-ah neih a ni dawn a. November ni 22-23 chhungin hmeichhe tan bik buatsaih a ni dawn a, hei bakah hian November 24-25, 2025 chhungin nu emaw, pa emaw India Sipai-a tang duh te tan buatsaih a ni dawn bawk a. Territorial Army lak runpui hi District hrang hrang tan ni bik ruatin intlar hun hi buatsaih a ni dawn a ni.