Ram pass dik nei te nen hriat pawlh loh an duh

Tunhnai a Lai Autonomous District Council (LADC) sawrkar in Kaladan Multi Modal Transit Transport Project (KMMTTP) hnuaia zang-nadawmna beisei mi 138 te ram pass a cancel chungchangah Lawngtlai District Land Owners Association chuan ram pass dik tak nei mi 138 nen ngaih pawlh loh an duh thu an sawi.

Lawngtlai District Land Owners Association President T. Zatluanga chuan helai kawngpui sialin a tihchhiat ni a insawi mi 303 te chu kum 2016 khan zangna-dawmna pek tura ruahman a nih thu sawiin, Ram pass chungchangah felhlel a awm ni a hriat avangin Anti-Corruption Beureau (ACB) chuan mi 303 te Ram pass chu a chhui chiang a, mi 138 te ram pass chu a dik tih finfiahin mi 102 te Ram pass chu ngaihtuah zui turin a ti tih sawiin, he thu kal zelah hian a hma a Ram pass dang chhui chian lai nen kumin September ni 26 khan Special Judge (Prevention of Corruption) chuan mi 138 te ram pass cancel tura a tih bawhzuiin LADC sawrkar chuan mi 138 te ram chu a Cancel ta a ni, a ti.

ACB in ram pass dik mi 138 a finfiah leh Pass diklo a ngaih 138 cancel hi a zat a inan avangin KMMTTP-a ram neitu, zangnadawmna hmuh ngiattute ram chu cancel vek anga ngaih palh theih a nih thu T. Zatluanga chuan a sawi a. Pass dik tak neite mi 138 te chuan Sawrkar thuneituten theihtawp an chhuahpuina vangin zangnadawmna pawh hmuh thuai an beisei tih a sawi bawk.