ILP Dan siamthat ah MZP ten rawtna ah thlen

Mizo Zirlai Pawl (MZP) General Hqrs. chuan nimin khan Home Minister K. Sapdanga hnenah Mizoram sawrkar in Inner Line Permit (ILP) Dan an siamthat mekah rawtna an thlen a, Home Minister chuan heng rawtna te hi ngaih pawimawh a nih tur thu a sawi.

MZP General Hqrs. hruaitute hian Home Minister hi a Pisa-ah hmuin Inner Line Permit (ILP) dan siamthat turah rawtna an thlen a, he hunah hian thu hlawm paruk - Administrative Efficiency, Traveller Access, Digitalization, Enforcement, Penalty leh Sponsor mawhphurhna bakah Centralised Online ILP portal siam a ngaih thu te an tarlang a, Aizawl–Sairang Rel link tharah Entry Point lian, Counter tam zawk, Staff training tha zawk leh diltute tan Online Helpdesk siam a ngaih thu te an thlen bawk a ni.

Online application hmanga System hi Full Digitalization, Aadhaar-Linked Verification, Real-time Tracking leh Permit dik leh dik loh enfiahna tur Mobile apps hmanga siam bakah dan bawhchhiate mipuiin an report theihna channel siam tura rawntna, ILP hmang diklo leh validity tawp tawh hnua cham hlen hremna tur bakah dan bawhchhia Official-te pawn pawisa chawia hremna dan leh Sponsor-tute pawh limit siam sakin, an mawhphurhna tur rawtna ah hian tarlan a ni.

Home Minister K. Sapdanga chuan ILP dan an siamthatna tura MZP in rawtna hrang hrang an thlen chu tha a ti hle tih sawiin, an rawtna chu ngaih pawimawh a nih tur thu a sawi a. MZP hruaitu tharte nen a inkawmhona hun tha tak an nei thei chu a lawmawm a tih thu pawh sawiin, tha taka thawhho puiah MZP hruaitute hi a sawm nghal a ni.