Serchhip Mat Phai-ah Tur hmanga Sazu hrai a ni

Nimin khan Serchhip Mat Phai-a Zau hrang hrangah Thingtam avanga Sazu puang mek suat nan Sazu hrai beihpui thlak a ni.
Tun thla ni 21-a Serchhip Joint Village Council leh Serchhip District Agriculture Office-a thawktu ten Joint Meetint nei-a an lo rel tawh angin nimin, Oct. 24, 2025 khan Serchhip Mat Phai-a Zau hrang hrang- Zawlpui, Chawm, Chamdur, Thliarpui, Lumtui, Tuichar, Zuangleng, Zehtet,Thuhruk, Lungbu, Luitedam, Tuisen leh Lathei-ah te Serchhip Joint VC, heng Zau hrang hranga FMC leh Agriculture Department te hmalakna in Tur hmanga Sazu hrai beihpui thlak a ni a, he hunah hian Serchhip-a District Agriculture Officer (DAO) Lalchharliana chuan Thingtam avanga Sazu puang tur laka inven a pawimawhna te, Tur hmanga Sazu kan hrai pawh a fumkhur a ngaih zia te a sawi a, VC leh Loneitu te nen an thawhhona a that avangin an hlawhtling ngei a beisei thu a sawi bawk.

He hunah hian Serchhip Joint VC Chairman R. Sanghmingthanga pawhin thu sawiin, ADHO Lalrinzuala chuan Sazu Tur hman dan te kalkhawmte chu zirtirin Sazu Tur hi hman theih tura siam nghal a ni a, loneitu ten Zau hrang hrangah Sazu hraiin beihpui an thlak chhunzawm nghal a ni.