Dan lova khaw din titawp tura hma la turin ngen

Mizo Students’ Union (MSU) chuan Mizoram chhunga Dan lo a khaw din awm mek te chu kumin chhung ngei a tihtawp a nih theih nana hma la turin Mizoram Sawrkar an ngen.

MSU chuan nimin khan Aizawl Press Club-ah thuthar thehdarhtute kawmin, Mizoram chhunga dan l oa rawn pemlut ten an duhna hmunah in bawk khawma khua an din leh ringawt thin chu tha an tih loh thu sawiin, heng Dan lo a khaw din hrang hrangte hi an zirchian hnuah khaw engemaw zat ah hian Sawrkar hmalakna (School, Power Supply, Health, Water Supply) a awm tih hriat a ni a, hei hi pawi an tih thu sawiin, heng Dan lo a khaw din a development hrang hrang pek tawh te hi titawp vek turin sawrkar an ngen tih an sawi. 

MSU chuan Mizoram sawrkar hnuaia Assistant Professor a ngheta lak (Direct Recruitment) kum 20 chuang a awm tawh loh hnuah sawrkarin Assistant Professor post 31 la tura hma a lakna chu lawmawm an tih thu an sawi a. Mizo thalai ten an lo nghahhlelh em em Assistant Professor hna ah hian a ram leilung fate ngei an luh theih nan Non-Mizo (hnamdang) tet chu dil buai lo turin an ngen tih an sawi bawk