NCORD Meeting in ruihhlo dona a hmalakna thlirho

Serchhip District-a Ruihhlo dona kawnga hmalakna kal mek leh hmalak zel dan tur thlirin nimin khan Serchhip District NCORD chu an Chairman leh Bawrhsap Paul L. Khuma hovin an thukhawm.
He thutkhawm Serchhip DC Meeting Hall-a neih ah hian NCORD Meeting hmasa a thurel bawhzuina te thirletin, hmachhawp te an sawiho a, Meeting hmasa leh tun tuma Meeting inkarah ruihhlo (narcotics) kaihhnawh case thar ziahluh a awm lo a. Sawrkar thuneitute, dan leh thupek kengkawhtute leh tlawmngai pawl te tanrualna avangin ruihhlo pawh a tlem chho zel nia hriat a nih thu tarlan niin tha thlah lova tan zel a tul thu Bawrhsap chuan a sawi a ni.

He huna tarlan a nih danin Excise Department ten Thenzawl leh North Vanlaiphai-ah Drugs Awareness Campaign an nei dawn a, hei bakah hian Damdawi zawrhna dawrah te damdawi zawrh phal loh zuar an awm em tih enfiah mek a nih thu tarlan a ni bawk.

Serchhip District Narco Coordination (NCORD) Meeting hi thla tin neih thin a ni a. Police leh Excise Department te, Health Department Department hnuaia Food and Drug Administration te, Sub-Hqrs. YMA Serchhip hruaitute leh mi pawimawh dang te an tel a ni.