Ruihhlo do beihpui ah vbc. 16 chuang hu man a ni tawh

Mizoram Police chuan ruihhlo do beihpuim ‘Operation Against Trafficking & Use of Drugs & Narcotics’ thlak tan, September 1, 2025 atanga October 20, 2025 thleng khan ruihhlo chi cheng vbc. 16 chuang hu an man tawh.

Police thuchhuah tarlan danin Mizoram chhungah ruihhlo veivak a pun nasat avanga sawrkarin ruihhlo do beihpui a thlak chu ngawrh taka kalpui zel a ni a, Ruihhlo do beihpui kalpuiah hian Myanmar ramri-a inkalpawhna leh ramri dep khuate ngaih pawimawh hmasak niin ramri kân a ruihhlo lut thin dang chat tura beih niin tualchhungah pawh dap leh a tawlhte chhui hna thawh zel a ni a, Oct. 20 thleng khan cheng vbc. 16 chuang hu ruihhlo kan tawhin heng ruihhlo kaihhnawihah hian mi 71 man niin mi 56 chu Indian an ni a, ramdang mi 15 awmin thubuai 50 ziahluh a ni. Police thuchhuah chuan ruihhlo do beihpui hi thla li chhung, September, 2025 – December, 2025 kalpui phawt tura ruahman a ni.

Excise & Narcotics Department, Special Narcotics PS leh Central YMA atanga thudawn danin tualchhunga ruihhlo leng vel tlahniamin a zuar pawh an tawmim tan niin hriat a ni a. Khawlaia heroin hawng khat man Rs. 25,000 vel ni thin pawh tunah hian Rs. 40,000 vel a kai niin an sawi.