Chhiahtlang-ah Solar Power Plant hawn a ni

Rajya Sabha MP, Ronald Sapa Tlau-in SAGY Model Village atana a thlan hmasak ber, Chhiahtlang-a Zoram Energy Development Agency (ZEDA) in Ministry of New & Renewable Energy bultuma Solar Power Plant an bun thar chu niminpiah khan Rajya Sabha MP, Ronald Sapa Tlau chuan a hawng.

Solar Power Plant hawnna inkhawm Chhiahtlang Community Hall-a neih ah hian Rajya Sabha MP chuan he hmalakna hi a tir te a\angin a puitlin ngei a duh thu leh a nghahhleh \hin thu a sawi a. Beisei ang ngeia a hlawhtling thei ta chu Chhiahtlang mipuite a lawmpui tak zet tih a sawi a. He thil hlu tak hi lo duat a, a petu leh thawhsaktute tan pawha lawmna tham a lo hmang \angkai turin a chah bawk.

He hunah hian Er. David Ramnunsanga, Director, ZEDA chuan Technical Report pein he Solar Power Plant in a tum ber chu power supply chatlak lova thlan bik vantlang hmun te thlunzawmna tur a nih thu leh Street Light 200 Chhiahtlang khawchhung-a dah a nih thu a sawi a. Power a pek chhuak theih zat hi 95 kWp niin chu chu 95×1000 watt a ni a. Rajya Shaba MP in Model Village atana a thlanna rah kal zel a\anga Ministry of New & Renewable Energy, Government of India in a rawn sanction a ni a. ZEDA lamin bawhzuiin Contractor hi M/s Andromeda Energy Technologies Pvt. Ltd, Secundarabad, Telegana an ni a. Hna hi 27th April 2018 khan zawh fel niin cheng nuai 138.04 sen a ni. Heng sum atan hian Central lamin engemawzat a tum laiin Beneficiary (a hmangtu) lamin cheng nuai 19.29 an tum ve a ngai a. Heng Beneficiary tum ve tur sumte hi Mizoram sawrkarin a ngaihtuah sak dawn a ni. He Power Plant hi a thawktu Company ten kum 5 chhung an enkawl zui ang a, chumi hnuah Chhiahtlang khawtlangin an enkawl zui ang.

He Solar Power Plant atan hian hmun thum-ah Solar Plate chu bun niin khawchhung hmun hrang hrang 200-ah Street Light vuah a ni a, vantlang hmun pawimawh 19 (School, Hall, Community Centre, Health Sub-Centre leh Library)-ah Eng pek a ni bawk.

Nimin a he Solar Power Plant hawnna hi H. Lalengmawia, IAS, Chairman ZEDA Managing Committee leh P&E Secretary ni bawk chuan kaihruaiin bialtu MLA, Er. Lalrinawma chuan tunlai khawvel thiamna sang tak Solar Power Plant hmang phaa Chhiahtlang mipuite an awm chu vanneihthlak a tih thu a sawi a. Ronald Sapa Tlau in Chhiahtlang SAGY Village tana a hnathawh te chu fak tlak nia a hriat thu a sawi. Chhiahtlang mipuite chu neitu rilru pua duat taka heng thil tha an kuta lo lutte lo enkawla lo vawnghim tlat turin a chah bawk. He hunah hian Chhiahtlang VCP, CR. Dothanga pawhin thu sawiin an khuaa hetiang bun a ni chu lawmawm a tih thu a sawi bawk.