Sawrkar hnathawk hlawh pun remti

Nimin a Chief Minister, Lal Thanhawla hova Cabinet \hukhawm chuan Mizoram sawrkar hnuaia hnathawkte hlawh chungchang a ngaihtuah a.

Mizoram sawrkarin Pay Committee a ruatte report sawiho a nih hnuah Pay Committee in recommendation a pek chu tlem azawng ti dang-lamin sawrkar hnathawk nghet (regular employees) 42000 bawr bakah pension la mekte , adhoc-a thawkte, contract a thawkte, deficit school-a thawk leh UGC scale la zirtirtute, State sawrkar hnuaia Public Sector Undertaking a thawkte leh Autonomous District Council hnuaia thawk mi 34000 bawr velte pawh pay revision benefit hi pek tura thu tihtluk a ni.

He hlawh thar hi Ni 1.1.2016 a\anga hman \an tura tih a ni a, amaherawh chu Mizoram sawrkar sum dinhmun en in financial benefit erawh chuan September ni 1, 2018 a\anga pek tura tih a ni. Hemi avang hian cheng vbc. 400 vel kumin Financial Year chhung hian sawrkar-in a sen belh a ngai dawn a ni. Nimin a Cabinet Meeting hian Department hrang hrang a\anga Agenda lut 45 bakah Additional items lut 13 te chu an sawiho bawk a ni.