Mizoram Assembly dinglai term-a thutkhawm hnuhnung ber tur tluang takin zawhfel a ni ta

Mizoram Legislative Assembly 7-na \hutkhawm vawi 16-na ni hnih (2) awh chu nimin khan zawhfel a ni a, nimin \hutkhawm ah hian Official Resolution pakhat chu pawm a ni.

Niminpiah a \an Mizoram Legislative Assembly 7-na \hutkhawm vawi 16-na hi nimin khan chhunzawm leh a ni a. Nimin \hutkhawm ah hian Home Minister, R.Lalzirliana chuan dan lova lolutte Sakhaw behchhana Indian Citizenship pek theihna tur Citizenship Amendment Bill, 2016 duhlohna Official Resolution a pulut a. He Bill hi putluh anih chhante sawifiahin rorellai leh eptu member engemawzat in an sawi hnuah lungrual taka pawm a ni.

Tun \um Session hi tun Assembly Term a \hutkhawm hnuhnung ber anih avangin Speaker-in Opposition Group Leader leh House Leader te thusawi turin a sawm a. Opposition Group Leader, Vanlalzawma chuan Speaker experience ngah takin House a kaihhruaina a fak a, Speaker leh Dy.Speaker ten hleih neihna awm lova House an kaihruai avangte in lawmthu a sawi a. Assembly staff te chungah lawmthu a sawi bawk. House Leader rorelna ah a \hu reng thei leh a uap reng thei chu faklawm a tih thu leh Member te inkawm ngeihnaah te lawmthu a sawi a, he Term chhunga Member an inhloh lo chu lawmawm a tih thu a sawi bawk.

House Leader, Lal Thanhawla chuan tun term-ah an zavaia a tawp an thleng thei chu lawmawm a tih thu sawiin, Speaker leh Deputy Speaker te kaihhruainaah House zahawm taka kal theiin duhsak bik awm lovin an kaihhruai thu leh, Constructive Opposition an neih thu sawiin, Oppsotion Group Leader leh member te a fak a. He House-ah hian eptu lamah \um 4 leh Rulling lamah \um 5 a \hutna a nih tawh thu sawiin, Pathian hnenah leh amah thlangtlingtu Champhai leh Serchhip bial mipuite hnenah lawmthu a sawi a. House-ah inhnial buaina mawilo khawp a awm lo chuan Mizoram leh hnam a chawimawi thu a sawi a. House member te chu House-ah vawikhat awmna te pawh awm mahse vantlang chunglam an kat nuk tih a sawi a, \awngkam dengkhawng deuh emaw alo hmang palh anih chuan ngaidama hriatreng sak tawh lo turin member te a ngen bawk.

Speaker, Hiphei pawhin Opposition te chu hmarcha, a tawk chauha thak anga tehkhinin fakawm a tih thu leh House kaihhruai nuam a tih thu a sawi. House Leader uapna leh a taimakna fakin, thil chhinchhiah tlak a ni, a ti a. MLA zawng zawng ten rorelna an ngaih pawimawh avangte, incheina felfai leh \ha tak avangte in lawmthu a sawi bawk. Tun \um Session-ah hian PB. Nikhuma, Ex-Dy.Minister sunna neih a ni a, House-ah Report 7 present a ni a, Paper 9 lay a ni a, sawrkar Bill 2 leh Official resolution 1 lungrual taka pawm a ni bawk.