Zirlai ten zirna chhunzawm duhna an lantir

Adhoc Grant-In-Aid ngiata Higher Secondary School khar mekna School zirlaite chuan nimin khan an School tual \heuh ah zirna chhunzawm vat an duhzia lantirna Sit-in Demonstration an nei.

Mizoram Govt. Lumpsum Grant-in-Aid Higher Secondary School Association (MIGLAHSSA) member te enkawl Mizoram khaw hrang hrang 9-a Higher Secondary School te hian dinhmun \ha zawk, Adhoc Grant-In-Aid-a dah ngiata lungawilohna hrang hrang an lantir hnuah a hlawhtlinna an la hmuh loh avangin zirlaite zirtirna an pek \hin chu an titawp mek a. Hetiang a nih avang hian Vawiin khan heng School khar mek-a zirlaite hian an School tual-ah \heuh zirna chhunzawm vat an duhzia lantirna Sit-in demonstration an nei. He hunah hian an harsatna sut kiansak tura sawrkar an ngenna thuziak hrang hrang kengin khawchhung hmun remchangahte an tar nghal a. Zirlaite hian an nu leh pa, khawtlang phurrit chhawk tura sawrkar an ngenna thu te, Evaluation Scheme thar hnuaia nikhat lek School \hulh pawh a pawizia te an thuziakah hian an tarlang a ni.

Hetihlai hian Mizoram Government Lumpsum Grant-In-Aid Higher Secondary School Association chuan an zirlai 850 zet ten an zirna chhunzawm thei lova hei chen School khar a ni ta chu pawi an tih thu leh an rilru a na takzet tih an sawi a. Khawtlang phurrit leh zirlaite harsatna sukiang tura sawrkar chu an la beisei fan thu sawiin, tuna an zirlaiten an tawrhna chu rapthlak an tiin tumahin tuar ve lo se, midang nunah pawh nghawng \ha lo thlen lo se an duh tih an sawi a. Chuvangin hma an lakna kawnga an thawhpui Managing Board, VC, Action Committee, Zirlai Pawl leh NGO zawng zawngte pawh tharum thawhna tel lova muanawm taka an duhnate lantir zel turin an inngen bawk.