Chhiatna thleng hrang hranga Politics-a hamthatna lak lo tum Congress Thalai in hriatthiam har an ti

Serchhip Block Youth Congress Committee chuan tunhnaia Serchhip-a chhiatna thleng hrang hranga MNF Serchhip East Block inti ten politics-a ham\hatna lo lak an tum chu hriatthiam har an tih thu an sawi.
Hemi chungchanga thuchhuah an siamah Block Youth Congress Committee, Serchhip chuan tunlai hian khuarel chhiatna hrang hrangin India ram hmun hrang hrangah harsatna thlengin min tibuai tih tarlangin, pawi an ti takzet tih an tarlang a. Mizoram pawhin he khuarel chhiatna hi kan tuar tih tarlangin, Serchhip pawh kan ban bikloh thu leh chhungkaw tam tak leh kan chhehvel khua mipuite thlengin harsatna kan tawh chu hriain sawrkar tirhin Aizawl lam a\anga mithiam rawn kal te pawhin kan chhiat tawhna te hi a hmunah an rawn en a, harsatna sukiang turin hma an la char char tih an tarlang a. Serchhip District Bawrhsap leh a Staff te pawhin theihtawp chhuah nghala hma lain Hriangtlang kawng ping pawh lai tlang nghalin Ration buhfai pawh hnianghnar taka an dawn leh tak thu an tarlang a, heng hmalakna an hmuh hian Serchhip khua leh a chhehvel mipuite kan thla a muangin sawrkar leh bialtu Chief Minister, Lal Thanhawla te lakah an lawm em em tih an tarlang. Hetiang a nih laia MNF Serchhip East Block inti ten politics-a ham\hatna lo lak phet an tum leh thuchhuah meuh siama Ruling party leh Chief Minister beihna hmanrua atana an hmang erawh hriatthiam har an tih thu sawiin, “Khuarel chhiatna hi tuma dan theih a ni lova, politics-a ham\hatna lak tumna chi pawh a ni hek lo tih hi mipui ten i hria ang u,” an ti bawk. 
Block Youth Congress Committee, Serchhip thuchhuah chuan MNF te chuan an sawrkar lai khan kawng chhia an vei ngailo tih tarlangin, an sawrkar laia kawng chhiat zia hretu pawh mipuite an nih thu an tarlang a. “Kan sawrkar tirh a\ang khan MNF hunlaia kawng chhiate chu thuam chhovin, kawngpui \ha zawk kan nei chho zel a. Zawlpui kawng, khaw chhehvel kar kawng leh khawchhung inkalpawhna kawng zawng zawng pawh hi a siam\hat leh enkawl hi Congress sawrkar tih vek a ni,” an ti a. Hetihlai hian BCM Serchhip Biak In thlang NH. 54 tlahniam pawh siam\ha turin sawrkar in hma a lak mek thu leh MNF Serchhip East Block ten siam hnatlang an ko chu an lawm takzet tih an tarlang a. Tuna khuarel chhiatna lo thlengah pawh kan sawrkar chak tak chuan uluk leh fimkhur takin hma a la mek nia tarlangin, mipuite pawhin sawrkar dem mai lovin, mithiam zawkte hmalakna lo ngaichang hram hram zel tura an ngen nghal thu an tarlang bawk.

Popular posts from this blog

PAN CARD an tih teh fo hi - Laldinpuia