Khawvel hmundangte rualin Aizawl-ah Ruihhlo hman khawloh leh a tawlhruk dona Ni hman a ni

Ruihhlo hman khawloh leh a tawlhruk dona Ni, International Day Against Drug Abuse & Illicit Trafficking chu nimin khan khawvel pum a hman a ni a, Aizawl-ah pawh Chief Minister, Lal Thanhawla hovin he Ni hi hman niin Court-a chinfel tawh ruihhlo mankhawm sa Rs. 84,37,000/- hu chu halral a ni bawk.

Social Welfare Department buatsaiha International Day against Drug Abuse & Illicit Trafficking puala inkhawm Aizawl Sipai Lammual-a neih ah hian Chief Minister, Lal Thanhawla chuan ruihhlo chi hrang hrangte chu ram hmasawnna ti\huanawptu leh mihring hrisel lova min siamtu, khawtlang tibawlhhlawhtu a nih thu leh, ruihhlo do hna chu mitin mawhphurna a nih thu a sawi a. Sawrkar ang pawhin nasa taka hma lak niin sum pawh sen a ni tawh a, seng mek niin a \ulna ah sen belh zel a la ni ang, tiin ruihhlo laka fihlim leh tawlhuk do chu a ngaihpawimawh avangin tlawmngai pawl leh kohhran te nen thawhhona nei a hma lak zel a nih thu a sawi a. Mizoram Police ten Assam Rifles leh BSF te nen \angkawpa ruihhlo leh a tawlhtute an man fo \hin thu sawiin Chief Minister chuan, kawng hrang hranga hmalakna hi siam ni mahse, do rem tak tak tur chuan tuna \halaite hian ruihhlo laka filhlim duhna leh tumna rilru an put a pawimawh em em a ni, a ti bawk.
He hunah han School Education Minister, H. Rohluna pawhin ruihhlo avanga harsatna hrang hrang kan tawh te, ruihhlo bawiha tang mekte dinhmun leh kan hmalak zel dan tur uluk taka kan ngaihtuah thar a ngai tih sawiin, nikum 2017-a Social Welfare Department hnuaia ruihhlo hmansual leh hluar dan chungchang zirchianna ‘Baseline Survey on Extent & Pattern of Drug Use’ a\anga a lan danin \halai kum 15 a\angin meizial leh hnim chi (solvents) a\anga Ganja ti chhovin, kum 19-ah chuan damdawi ruihtheih a\anga inchiu chi ah an lut chhoh tak \hin thu a sawi a. Hemi a nih avang hian Mizoram sawrkar chuan Social Welfare Department kaltlanga NEDP hnuaiah School Drug Intervention programme chak taka kalpui tura hmalak mek a nih thu te, NEDP hnuaiah vek ruihhlo ngaite enkawlna hmun tihchangtlun leh chhawm dawl nan sum leh pai \hahnem tak dah a nih thu te a sawi a. Naupang zinga ruihhlo laka invenna thuchah leh inzirtirna chu thil hmanhmawhthlak a ni tih sawiin, an himna chu mi tam zawk himna, chu chu hnam pum himna a nih bawk thu a sawi bawk.
Khawvela ram hrang hrang inthlunzawmna, United Nations General Assembly chuan December ni 7, 1987 khan khawvela ruihhlo hman khawloh leh a tawlhrukna dona ni atan kumtin June ni 26 hi khawvel pumah hman \hin nise tiin a rel a. Kum 1988 June ni 26 a\ang khan khawvel ram hrang hrang sawrkar, mipui vantlang leh pawlhovin rilru hmun khat pua ruihhlo hmansual leh tawlhtute dona ni atan hman a ni ta a ni. He ni hi Chinese mi ropui Lin Zexu-an China rama ruihhlo tawlh a do avanga kum 1839 - 1842 chhunga Opium War chhuak ta hriatrengna atana thlan a ni.
Kumtin-a khawvel puma he Ni hman dan tur hi United Nations Office on Drugs & Crime (UNODC) chuan duangin kum \henkhat ah Thupui bik neia Campaign dan tur a ruahman \hin a ni a. Kumin thupui atan hian UNODC chuan ‘Listening to children and youth is the first step to help them grow healthy and safe’ (Him tak leh hrisel taka \halai leh naupangte an \han theih nan an sawi tur neih ngaithla phawt rawh) tih thlan a ni bawk. 
Nimin a Aizawl-a International Day against Drug Abuse & Illicit Trafficking puala hun hman rual hian Organising Committee in a lo rel tawh angin AR Ground Basketball Court-ah Court-in a chinfel tawh a\angin drugs hal khu buaipuiawm tham loh Heroin Kg 4.388 (Rs. 84,37,000 hu) chu Chief Minister ho hian halral a ni bawk.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi