Finance Minister in Central Jail dinhmun a enfiah; Tang 536 awm theihna turah 638 an tang mek

Finance Minister, Lalsawta chuan nimin khan Aizawl Tanhril-a Central Jail chu tlawhin Central Jail enkawltute nen Tan In hung chhunga hmun hrang hrang te fangkualin an endik.

Nimin a Central Jail a tlawhna ah hian Finance Minister chuan Central Jail chu a chhunga dinhmun leh mamawhte a hmun ngeiah hriatchian tuma tlawh a ni tih sawiin, Central Jail Superintendent Office-ah Prison Official te nen inkawmna  hun an nei a. He hunah hian  tun dinhmuna mamawh zual deuh bik nia lang te chu Central Jail enkawltute nen sawihona neiin sawrkar tana thil \ul zual  tih theih awm te pawh an ngaihtuah tlang nghal a ni. Finance Minister hi Finance Commissioner, Lalnunmawia Chuaungo, Home Additional Secretary, Lalbiakzama leh IG(Prison), Sang\huama ten an zui a; Central Jail-ah hian DIG(Prison) , Lalthankima Sailo leh Central Jail Special Superintendent, Lalrosanga Chhangte bakah Medical Officer,  Dr. Lalhriatzuali Ralte leh official dang ten an lo dawngsawng a ni.

Central Jail-ah hian Staff 136 awm turah 114 an awm mek a; Jail tang 536 awm theihna turah Jail tang 638 an awm mek bawk a ni. Tang zingah hian hmeichhia, nausen pawmlai 4 tiamin 61 an awm mek a, a dang 577 te chu mipa an ni thung. Tang zinga tam ber 292 te chu Under Trial Prisioner(UTP) an ni a, a bak chu Lifer 33, R.I. Convict 129 leh S.I. Convict 136 te an ni.