P&E Department Secretary hovin an Department kalphung sawihona hun Serchhip-ah neih a ni

Mizoram sawrkar-a Power Secretary, H. Lalengmawia, IAS chuan nimin khan Serchhip rawn tlawhin P&E Department thawktute leh tlawmngai pawl hrang hrang hruaitute nen an Department hmalakna an sawiho.

Serchhip Power Division hnuaia hmalakna hrang hrang sawihona hun Serchhip DRDA Conference Hall-a neih ah hian P&E Secretary, H. Lalengmawia chuan P&E Department a chan hnuah tun \um hi Serchhip a rawn tlawhna hmasa ber a nih thu sawiin, Serchhip District chu sawrkar a\anga malsawmna dawng \ha mai bakah a dawng hmasa pawl ni \hina a hriat thu a sawi a. Kum 1978-a P&E Department a din tirh a\anga an hmasawnna tlangpui te sawiin, tun dinhmun ah Mizoram in kawlphetha a mamawh tam lai berin MW 100 vel a mamawh thu leh hetihlai hian Mizoram in a tharchhuah chu a tam lai berin MW 29.5 vel a nih thu a sawi a. A dang zawng hi State pawn a\anga lei niin Power leina atan hian thla tin cheng vbc. 25 aia tlem lo kan hman \hin thu a sawi a. Kan rama Hydel Project kan neih ang ang te chu a \angkai thu leh amaherawh chu mi State-a lui te leh kan lui te a inan loh avangin kan chhawr theih hun chhung erawh a inanglo tih a sawi bawk.

P&E Secretary chuan Union Power Minister in ramchhunga in enchhawk chu tihbo a duh thu sawiin, Mizoram-ah chuan kan Power hman a\anga za zela 70 vel chu Inchhung-a kan hman a nih avangin kan chetphung kan tih danglam hlek chuan kawlphetha hi kan renchem thei tih a sawi a. Thawktu indaihloh avangin thil tih zung zung theih ni lo mah se hma an sawn zel thu sawiin, thawktute chu mipuite tana dawr nuam taka awm turin a chah a. Staff pakhat awmloh avanga file chawl \hin chu a awmlohna turin thawktute pawh hna an inhriatpui a \ul thu a sawi bawk.

Nimin a he sawihona hun hi Serchhip Sub-Station Sub-Division-a SDO, Otto K. Lalchhuanawma chuan kaihruaiin P&E Department-a SE, Vanlaltlana chuan hetianga Department chhung leh pawnlam mi ten an hnathawh sawihona hun an nei thei chu lawmawm a tiht hu a sawi a. Khawvel \hang zelah Electric tel lova hmasawnna tluantling a awm theih tawhloh thu sawiin, tunhma lama In chhung tih en-na atan chiaha kan hman \hin chu tunah chuan kan khawsakna kawng tinreng ah kan hman tawh thu a sawi a. Serchhip chu 132kV Sub-Station hmun a nih avangin Department tan pawh hmun pawimawh tak a nih thu a sawi bawk.

Nimin a he sawihona hunah hian Serchhip Sub-Hqrs. YMA, MHIP leh VC aiawh bakah thuthar thehdarhtute leh Consumers Association hruaitute an tel a, P&E Department kalphunga an hriatthiam loh thil hrang hrangte inzawhfiahna neih a ni.