Wednesday, 27 June 2018

DC in kawng siam thar a tlawh

Serchhip leh Kei\um inkara National Highway-54 kawng chhuat tlabal niminpiah tlaia sial tlang leh tak chu nimin khan Serchhip District Bawrhsap, Sangchhin Chinzah leh Addl. DC, Chuauhnuna te chuan a hmunah tlawhin hnathawh dan leh hmalak zel dan tur an enpui a.
He leimin chhaklam-a 132kV Line ban la awm chuan hnathawh zui zel tur a tih khaihlak avangin a rang lama \hiat turin EE Serchhip Power Division chu hriattir a ni a, EE pawh hian a rang lama \hiah a nih tur thu sawiin, amaherawh chu East Lungdar line chu Serchhip khawpui tana power lakluhna kawng pakhat a nih avangin siam\hat hna thawh hmasak a nih thu a sawi bawk.
Helai kawng tlabal siam\hat hna thawktu te chuan nimin lam khan helai kawng hi chilmuk tura ruahman ni mah se lirthei teivel an tam avang leh Motor tang te an awm avangin Vawiin ah zawk hma an lak dawn thu an sawi a. Tunah hian an mamawh hmanrua te chu chhekkhawl in tuna lirthei vakvel tam lutuk chuan harsatna a siam thu an sawi bawk.
Hetianga lirthei vakvel in hnathawh an tihbuai theih avang hian Serchhip District Magistrate, Sangchhin Chinzah chuan nimin khan thuchhuah siamin Sailiamkawn leh Kei\um inkara lirthei tlan hun tur a bithliah a, hemi ang hian nimin a\ang khan zing dar 6:00 a\anga dar 9:00 thleng kawng hi kharin dar 9:00 a\anga 10:30 thleng hawn a ni anga. Dar 10:30 a\anga chawhnu dar 1:00 thleng kharin chawhnu dar 1:00 leh dar 2:00 inkarah hawn leh a ni anga, dar 2:00 a\anga dar 4:30 thleng khar lehin tlai dar 4:30 a\anga zan dar 6:00 thleng hawn a ni ang.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...