Mizoram in DISHA hma la \ha lawmman a dawng

Ministry of Rural Development in District Development Coordination and Monitoring Committee (DISHA) hma la \ha a thlanchhuah panga (5) zingah Mizoram chu a tel.
Niminpiah khan Ministry of Rural Development huaihawtin New Delhi-a Vigyan Bhawan-ah District Development Coordination and Monitoring Committee (DISHA) kum hnih (2) tlin lawm nan India ram puma state hma la \ha zual panga (5) Mizoram, Kerela, Chhatisgarh, Uttarakhand leh Jharkhand te hnenah lawmman, Citation leh Certificate a hlan a. Mizoram in he lawmman a dawn hi Union Minister, Rural Development Department Narendra Singh Tomar leh Minister of State for Rural Development Department, Ram Kripal Yadav hnen a\angin Lok Sabha MP, CL. Ruala, Rural Development Department Commissioner & Secretary, Lalhmingthanga leh Rural Development Department Under Secretary, Paul L. Khuma ten an dawng a ni.
State ti\ha zual tehfung atan hian Ministry of Rural Development chuan India ram state ten DISHA hnuaia District tinin Meeting an neih ngun dan te, Meeting minutes leh Meeting neih lai thlalak, DISHA website-a an upload \hat dan leh Meeting Minutes leh thuthlukna an bawhzui chak dan te a ni a. DISHA hnuaiah hian Lok Sabha leh Rajya Sabha MP-te chu Chairman leh Co-Chairman an ni a, District tina Deputy Commissioner leh Project Director, DRDA te kaihhruaina hnuaiah Central a\anga Scheme 42 thawh \hat dan enletna leh \ha zawka an thawh theih nan a kawng sial nan Committee hian thu a rel \hin a ni.

Popular posts from this blog

PAN CARD an tih teh fo hi - Laldinpuia