Mizoram MP pahnih te hova DISHA \hutkhawm ah sawrkar laipui sum hmanga hnathawh hrang hrang thlirho a ni

Sawrkar kum kalmek-a Serchhip District Development Co-Ordination & Monitoring Committee (DDCMC)/DISHA Meeting hmasa ber chu nimin khan Serchhip DC’s Conference Hall-ah neih a ni a, Committee Chairman, CL. Ruala, MP (Lok Sabha) leh Co- Chairman Ronald Sapa Tlau, MP (Rajya Sabha) bakah Tuikum bialtu MLA, Er. Lalrinawma ten an telpui a ni.

District chhunga Central sawrkar sum hmanga hmasawnna hnathawh hrang hrang thlirlet \hin tu Committee, DDCMC \hutkhawmah hian Committee Chairman, CL. Ruala, MP Lok Sabha chuan tunhnaiah Central sawrkar a\angin Monitor Team te lokalin District hrang hranga hnathawhte an enfiah thu a sawi a. Report kimchang la hmu lo mah se Team te hi an lungawi thawkhat nia a hriat thu sawiin, PMGSY hna kalpui thu-ah erawh chuan maintenance chungchangah zawhna a awm deuh thung tih a sawi a. Co- Chairman Rajya Sabha MP, Ronald Sapa Tlau pawhin DDCMC member te chu District a hnathawh tinreng fawng chelhtu, a neitu dik tak an nih thu sawiin, “In thawh \hat chuan District in hma a sawn anga, thawh \hat loh chuan kan hnufum mai dawn a ni. He District mipuite nghahfak chu nangni hi in ni,” tiin member te \hahnemngai taka thawk turin a ngen a. “Hna \ha in thawk duh a nih chuan Party mitmei rawn veng vak suh u, chhantu in nei zel dawn tih lo inhria ang che u,” tiin a chah bawk.

Nimin Meeting-ah hian kumin sawrkar kum chhunga hnathawh hrang hrangte tarlan a ni a, PMGSY hnuaia Thingtlang khaw kawng laih ah Serchhip to Hriangtlang chu thawk \anin zaa 6 zawh a ni tawh a, Chekawn to Lungchhuan ah pawh 5% zawh a ni tawh bawk.

Integrated Power Development Scheme (IPDS) hnuaiah Serchhip Power Division chuan hmun hrang hrang 18-ah hna an kalpui mek a, DDUGJY hnuaia SAGY Village, Khawlailung-a Electrict line thuam\hatna pawh thawh zawh tawh niin Completion Certificate nghah mek a ni a. National Rural Drinking Water Programme (NRDWP) hnuaiah PHE chuan khaw 7-ah tuilak hna a thawk mek niin heng zinga Khawlailung WSS leh Tuichang WSS chu zawh tawh niin Lungkawlh, Thinglian, Neihloh, Hriangtlang leh Baktawng te thawh mek an ni.

Swachh Bharat Missions (Rural) hmalakna ah PHE Department chuan kum 2012-13 ah ek In (IHHL) sa in Swachh Kosh hnuaiah ek In hi 1346 a sa zo leh tawh a. Geo Tagging & Photo upload-ah Mizoram-ah thawk \ha ber niin Community Dustbin khaw 35-ah a dah tawh bawk a. Serchhip District chu ODF ah puan tawh niin Mizoram-ah Swachh Darpan-ah 4 na, National level ah 44-na ah a awm a ni a. Swachh Bharat Missions (Urban) hmalakna ah Urban Development & Poverty Allevation Department chuan ek In (IHHL) 418 an sa zo tawh a, Serchhip District chu pawnler-a inthiar awmlohna (ODF) ah ni 15th September, 2017 khan puan a ni tawh bawk.

National Social Assistance Programme hnuaiah Serchhip leh E. Lungdar ICDS Project chuan Tar chawmna mi 1582 an pe mek a. Tunah hian diltu mi 302 an nei mek a. Hmeithai \anpuina mi 164 pe mekin dil thar tu mi 95 an nei mek a. Disable pension mi 47 hnenah pe mekin dil thartu mi 31 an nei mek bawk. National Family Benefit Scheme diltu mi 28 zingah mi 12 hnenah pek an ni.

Ni za inhlawhna hnuaiah kum 2017-18 chhungin ni 52 inhlawhna Ministry of Rural Development in a approved laiin, hnathawh \hat avangin ni 24 inhlawhna a rawn pek belh leh a. Hei hi District hmasawnna ropui tak a tling nia sawi a ni a. Hei vang hian ni za inhlawhna ni 76 zet neiin achievement rate pawh 131.61% a kai phah hial a ni.

Tun Financial Year chhungin Thingtlang miretheite In sakna target 51 neih anih laiin Fund dawn a la nih loh avangin pekchhuah a la awm lova. 1st April, 2016 a\anga chhut erawh chuan mi 65 hnenah he \anpuina hi pek tawh an ni.