NH. 54 sial tlang a ni leh ta

Serchhip leh Keitum inkara NH. 54 chu tun thla ni 14-a Sailiamkawn bula kawngchhuat a tlakbal hnuah PWD (Highway) chuan nimin tlai dar 5:00 khan lirthei kaltlang theih turin an sial tlang leh ta a. He kawng sialtlang tur hian June 17 khan khawl lian pakhat hmanga hna thawh tan niin June 18 atangin khawl pahnih in hna an thawk a ni. He kawng hi Vawiin hian Road Roller hmanga chil mukin Boulder phah a ni ang.