Friday, 29 June 2018

District Sanitation Task Force Committee \hukhawm

Hmarchhak bial khaw fai-ah Serchhip khua 23-na

Serchhip District Sanitation Task Force Committee chu nimin khan an Chairman, Serchhip District Bawrhsap, Sangchhin Chinzah hovin a Pisa-ah an \hukhawm a. Swachh Survekshan, 2018 Result a tihchhuahah Northeast Zone-ah Serchhip khua in 23-na a hauh phak chu lawmawm an tih thu sawiin, kumin atana Serchhip District Action Plan kalpui dan tur rel a ni.

Nimin a Serchhip District Bawrhsap Pisa-a Serchhip District Sanitation Task Force Committee \hutkhawm ah hian tunhnaia Ministry of Housing and Urban Affairs, Government of India in khawpui fai inelna, Swachh Survekshan, 2018 Result a tihchhuahah Northeast Zone-ah Serchhip khua in 23-na a hauh phak chu lawmawm an tih thu sawiin, an Chairman, Sangchhin Chinzah chuan, khawpui fai inelna, Swachh Survekshan 2018-a Northeast Zone-a khawpui 220 zingah Serchhip chu 23 nia, Mizoram District khawpui zinga dinhmun sang ber luahphaa a awm thei chu ropui a tih thu a sawi a. Hetianga faina lama hmasawnna nasa tak lo awm chhan hi Serchhip mipuite inpekna vang a ni tih sawiin, an chungah lawmthu a sawi a, “Hei hi bul\anna ah ngaia nasa zawka thawk zel turin thawhpuiah ka sawm a ni,” a ti bawk.
Swachh Survekshan Northeast Zone hnuaiah hian khawpui 220 zingah Mizoram khawpui 22 langin, an zinga ti\ha ber chu Biate niin 2-na an ni a. Mizoram District Capital zingah Serchhip chu sang berin 23-na a ni.
Nimin-a Bawrhsap hova District Sanitation Task Force Committee Meeting chuan, Sanitation chungchanga District Action Plan kalpui dan tur an ngaihtuah zui a. Component hrang hrang te kalpui dan tur duangin a mawhphurtu turte ruat fel nghal an ni a. Hmalakna langsar tur zingah Serchhip khawpui paltlang NH 54 sir-a Side Drain la awm lo chu Task Force-in a lo ruahman tawh sa, Side Drain siam nana sawrkar Office tinin pawisa thawhkhawm an rawt a\anga tlingkhawm cheng nuai khat vel leh Action Plan hnuaia Side Drain Component a sum lokal te chu Side Drain thar siam nana a daihzai thei ang bera hman a rel a, hei hi YMA leh VCs te nena thawhho tur a ni ang.
Khaw chhunga tuiluan kawr bawlh-hlawh zualte chu NSS leh Eco Club te nena \angkawpa thenfai leh tur a ni ang a, vantlang hman tur bawlhhlawh bawm 150 vel dah thar tur niin, khawpui cheina leh faina lama inzirtirna Hoarding leh Wall Painting engemaw zat dah thar a ni anga. Lirthei a\anga bawlhhlawh paih mai mai ven nan lirthei neitute, a bikin khualzin phurtute chu an lirthei-ah bawlhhlawh bawm nei vek tura ngen leh hriattir an ni ang.
Heng bakah hian Awareness leh Media Campaign a tam thei ang ber kalpui chhunzawm zel tur niin Anganwadi naupang a\anga bawlh-hlawh bawm hman \angkai dan leh mahni inenkawl fai dan uar zawka inzirtir zel nise, an ti bawk. Hei bakah hian Chhiahtlang (Town Area) khaw bawlhhlawh paihna (dumping Ground) Tuikum lui-a inpaihlut thei chu hmun danga sawn a rel bawk a ni.

Latest News

NACO hotu ten Mizoram rawn tlawh mek

Chawlhkar khat chhunga Mizoram District pathum – Aizawl, Lunglei leh Kolasib District-te tlawh kual tura rawn zin National AIDS Control Or...