Aspirational District (Mamit) chungchang sawiho

/
NITI Aayog hnuaia Mizoram a\anga Aspirational District Programme atana thlanchhuah, Mamit District chungchang sawihona chu nimin khan Chief Secretary, Arvind Ray, IAS hovin Chief Secretary Conference Hall-ah neih a ni.
Nimin a Mamit District chungchang sawihona hunah hian Chief Secretary, Arvind Rai chuan NITI Aayog chuan India ram puma District hnufual tihhmasawn nan District thlangchhuak turin ruahmanna a siam tih sawiin, Mizoram-ah chuan Mamit District thlanchhuah an nih thu a sawi a. Hriselna, thiamna, zirna, tui supply, inkalpawhna kawng leh thildang hrang hrangah Mamit District chuan hma a sawn ngei theih nan department hrang hrang \ha taka thawhho a \ul thu a sawi bawk.
He hunah hian Mamit DC, Bhupesh Chaudhary, IAS chuan Aspirational District hnuaiah hian sector 5 awmin chungte chu- Health & Nutrition (30%), Education (30%), Agri & Allied (20%), Financial Inclusion & Skill Development (10%), Basic Infrastructure (10%) an ni tih a sawi a, Health & Nutrition leh Education Sector chu ngaih pawimawh a ni lehzual tih sawiin, Department hrang hranga hotute nen heng Sector-ah hian hmalak a nih theih dan te, NGO-te nena thawhho dan tur te leh tun dinhmuna harsatna hrang hrang te chipchiar taka sawiho a ni.
Aspirational District Programme hi India ram Prime Minister-in chak taka kalpui turin January, 2018 khan a hawng a. India ram state 28-a District hnufual bik 115 thlanchhuah zingah Mizoram a\angin Mamit chu thlan tel a ni a. Aspirational District Programme hnuaiah hian District hnufualte kawng hrang hranga hmasawn bakah sawrkar laipui scheme, Pradhan Mantri Gram Sadak Yojana (PMGSY), Pradhan Mantri Kaushal Vikas Yojana (PMKVY), Pradhan Mantri Fasal Bima Yojana (PMFBY), Mission Indradhanush leh Scheme dang hrang hrang chak zawka kalpui te, sawrkar laipuia hnathawkte leh state sawrkar hnuaia hnathawkte thawhhona \ha tak neih te a tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »