Mizoram Legislative Assembly Session-ah Sinlung Hills Council Bill, 2018 pass a ni

Mizoram Legislative Assembly 7-na \hutkhawm vawi 16-na chu nimin chawhma dar 10:30 khan Assembly Speaker, Hiphei-a kaihhruaiin \an a ni a, Sinlung Hills Council Bill, 2018 lungrual taka pass a ni.
Nimin Assembly Session ah hian Home Minister, R. Lalzirliana’n 'The Sinlung Hills Council Bill, 2018' chu pulutin pass a ni a. He Bill pass tak ang hian Sinlung Hills Council-ah hian member 14 awmna, General Council din a ni ang a, member 12 te chu thlan an ni ang a, pahnih dangte chu ruat seat-ah dah an ni anga, chu Council-ah chuan Chairman leh Deputy Chairman an awm ang a, Executive Council chu Chief Executive Member-in a ho ang a, a hnuaiah a rorelpui tur Executive Member 4 an awm ang. General Council din hun chhung tur chu kum 5 a ni ang a, Council huamchhungah sawrkar sum pek hmangin hmasawnna hna leh inawpna hna te an thawk thei ang a, kum khatah vawi li (4) aia tlem lo Session an nei ang a, an Hqrs. chu Sakawrdai emaw, sawrkarin a ruat hmundang emaw a ni ang a, chumi hmunah chuan Sinlung Hills Council chuan Secretariat a nei ang a, chu Secretariat-ah chuan hnathawktute ho turin Secretary dah a ni ang a, chu chu Joint Secretary rank niin Principal Executive Officer a ni ang a, a term chhung tur chu kum thum a ni ang a, a \ul dan a zirin pawhsei sak theih a ni bawk ang. Sinlung Hills Council hian a budget leh hmasawnna hnathawhna turin ruahmanna a siam thei ang a, chu chu Mizoram sawrkarin a pawmpui hnuah Council chuan a hlenchhuah hna a thawk ang a, Council Area chhungah Site Allotment Advisery Board a ni nghal dawn a ni.
He Bill sawihona ah hian House Leader, Lal Thanhawla tiamin member 15-in thu an sawi a, Opposition Group Leader, Vanlalzawma chuan tun hmalama sawrkar leh MNF bakah sawrkar leh HPC te inkara inremna thuthlung lo siam tawhah sawrkar lamin an tipuitling \ha tawk lo nia a hriat thu te, rorel thei tawk quorum chu Chairman tiam lovin member awm zawng zawng zinga hmun thuma \hena hmun hnih tih chu sang lutuka a hriat thu te, NLUP kalpui danah dan mumal hmang lova kal nia sawrkara a hriat thu te a sawi a ni.
Sawihona tlang kawma member te thusawi \henkhat chhanga sawifiahin Bill puluttu, Home Minister, R. Lalzirliana chuan dan Section 35-naa chuh thei chin tur siam kum 18 tling chinin inthlanna an chuh thei ang tih chu a \ul huna siam \hat theih niin a sawi a, Secretary hnathawh hun chhung tur kum 3 tih pawh Executive te nena an thawhhona a \hat loh chuan tihdanglam theih tho tur niin a sawi a. Sum hman dan chungchang tarlan angin an sum hman chu CAG endik theih tho tur niin a sawi bawk. Inremna thuthlung siam tura inbiaknaah HPC(D) pawl dang, Lalhmingthanga Sanate pawl pawh tel tura sawm a nih thu te, an ni hian Autonomous District Council an phut thu thilphut dang an neih avangin biak theihah sorkarin a ngai lo tih a sawi bawk.

Popular posts from this blog

PAN CARD an tih teh fo hi - Laldinpuia