Serchhip-a Weightbridge diklo

Serchhip Supply Kudam-a Weightbridge chu hman theiha siam\hat a nih hnuah rinhlelhna a awm avangin Inrinni khan buhfai a buk te enfiah a ni a, a diklo tih hmuchhuah a ni.
Serchhip Supply Kudam-a Weightbridge hi hun engemaw chen hman theihloha a awm hnuah tunhnaia Serchhip Sub-Hqrs. YMA in mipui ten Ration buhfai buk dik tak an lak theihna hma an lakna ah Weightbridge chhia hi siam\ha tura nawrna nasa tak a awm avangin Serchhip District Consumes Association hmalakna in siam\hat a ni a, hemi hnu hian Legal Metrology Inspector te pawhin enfiahin pawm a ni.
Hemi hnu Inrinni khan Serchhip Kudam-ah hian Buhfai trip thum (3) rawn thlengin Weight-bridge a bukin hlanthlak a ni a, amaherawh chu truck pakhata buhfai an phurh chu quintal 11 chuang zetin a tlinglo tih hmuhchhuah zui a ni a. He Truck khalhtu hian hetianga tlinglo tur hian buhfai hi khawih chingpen an neilo tih a sawi avang leh driver dang te pawhin Weightbridge chu an rinhlelh avangin buhfai hlanthlak tawh sa chu bukna pangngai hmanga buk nawn leh vek a ni a, buhfai buk lai hi Truck driver, Serchhip District Consumers Association hruaitute leh Serchhip Sub-Hqrs. YMA hruaitute pawhin an enpui a, he an enfiahna ah hian Quintal 50 china a \hat vek laiin Quintal 100 chuang chin bukah a diklohna a awm tih hmuhchhuah a ni a, hetiang anih avang hian siam\hat leh hma chu Beam Scale hmanga Kudam-a buhfai buk leh rih tura tih a ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi