High Court-in MNF candidate thuthlen a hnawl

Gauhati High Court, Aizawl Bench chuan Chakma Autonomous District Council (CADC)-a Futuli bial buaina chungchangah MNF Candidate, Sumir Tonchongya thu thlen chu a hnawl.

Tunhnaia CADC-a MDC thlanna neih ah khan Futuli bial-ah hian Congress Ticket in Kali Kumar Tongchonya leh MNF Ticket in Sumir Tonchongya te chuan inthlanna chuh turin an hming an pelut a, he inthlanna a Returning Officer, N. Chakhai chuan MNF candidate Sumir Tongchongya chu a second tu, Tengkhi Muni Tonchongya chu sawrkar hnathawk anih avangin a Nomination Paper hi hnawlin Congress candidate, Kali Kumar Tonchongya chu tlingah a puang a. RO thutlukna a lungawilo hian MNF candidate hi Court ah a zualko ta a ni.

High Court Judge, Justice Nelson Sailo chuan June ni 22, 2018 khan hemi chungchang ah hian thutlukna siamin sawrkar hnathawk leh an chhungte chu politics thilah an inhnamhnawih a thian loh thu leh RO-in CADC hnuaia hnathawkin inthlana candidate a nominate avanga candidature a hnawlsak chu kalphung dik a nih thu a sawi a, Petition hi a hnawlsak ta a ni.

CADC-ah hian seat 20 awmin inthlan vawi 10-na ah khan MNF-in MDC ngah berin pariat (8) a nei a, BJP-in panga (5) a nei a, Congress chuan petition avang hian MDC paruk (6) a nei lailawk ang ni mahsela MDC pakhat an neih belh ta a, tunah hian MDC pariat (8) neiin MDC pakhat chauhin Congress leh MNF hi an inthlau ta a. BJP-Congress in\awm sawrkar a ding mek a ni.