Dapchhuah-a Tut Lei hawng

Chief Minister, Lal Thanhawla chuan nimin khan Dapchhuah-ah Public Works Department in Tut Lei (Pre-Stressed Concrete Girder Bridge) an dawh chu a hawng.

He Lei hawnna hunah hian Chief Minister chuan inkalpawhna siam chung-changah ramin chak zawka hma a sawn theih nan a thawktu department in hma an la \hin tih sawiin, chutihrual chuan department ta nilovin mipui ta a nih avangin mipuiin neitu rilru an put \ul a tih thu a sawi a. Khuarel chhiatna chu dan zawh rual loh ni mahse, mi \henkhat ngaihtuah thui tawk loh avanga Lei dawh kilhna hmanrua \hen-khat lo ru bo te, Lei in a dawl chin bak a rit phur a lirtheiin an zawh avanga chhiatna thleng thei a nih avangin kan fimkhur tlan a \ul thu a sawi bawk.

He hunah hian PWD Minister, Lal Than-zara chuan Mizoram-a Lei dinhmun tlangpui a tarlang a. State Road bikah Lei chi hrang hrang 75 leh National Highways-ah Lei 52, a vaiin PWD enkawl Lei 127 a awm a. Heng zingah hian Lei kumhlun chi (permanent bridge) 73 leh Lei kumhlun lo (temporary bridge) 54 a awm a. Temporary bridge zingah hian thir zawm a dawhkai (bailey bridge) 47, Lei inkhai (suspension bridge) 4 leh thing Lei (timber bridge) 3 an awm a. PWD Vision ruahman dan chuan heng Temporary bridge zawng zawng hi kum 2030-ah chuan Permanent Bridge-a thlak vek hman tum a ni.

Tut Lei hi metre 11.25 a zau niin, ban kar 3 awmin, Lui-ah a dotu ban (pier) 2 leh a sir tawn tawna Lei innghahna (abutment) awm ve ve in, a vaia a sei zawng chu metre 128 a ni a. Lei in a dawh zawh chin (load capacity) chu 70R niin, hei hi Indian Standard a load sang ber a ni. Lei hi tui tlem lai bera a chim chin chu metre 310.15 niin, tui chim san ber lai chu metre 329 a ni a. He Lei hi National Highway No.44A project ami ni mah se a hrana sum sunction niin cheng vbch 15.50 senga dawh zawh a ni a, enchhinna te neiin kumin February thla khan zawhfel a ni.