Larsap in NIT Mizoram Convocation hmanpuiin zirlai mi 171 te hnenah degree hlan an ni

National Institute of Technology (NIT) Mizoram te chuan Inrinni tlai khan Mizoram University Auditorium, Tanhril-ah Convocation vawi 2-na an hmang a. He hunah hian Mizoram Governor, Kummanam Rajasekharan chu Khuallian niin, UPSC Chairman hlui Prof. DP. Agarwal leh IIT Hyderabad Director Prof. UB. Desai te Khualzahawm an ni. 

NIT Convocation vawi 2-na ah hian Mizoram Larsap chuan graduation chu zirlaite tana hun lawmawm a nih thu sawiin, bung khat a inkhar rualin bung thar a in\an tih hre turin a chah a. Zirlaite thawhrimna, tumruhna leh mahni inthununna te chu chhuanawm a tih rualin, an zirtirtute leh an nu leh pa te inpekna chu fakawm a tih thu a sawi bawk. Governor chuan mahni tan chauha nun tum chuan awmzia a neilo tih sawiin, kawng tinrenga hmasawn chhunzawm zel turin a chah a. A khat tawka an thiamna te chu tipunga mahni intuaithar fo turin a chah a. Engineer \halai rualte chu an mihringpuite ham\hatna atana an thiamnate hmanga, miharsa zawkte tana eizawnna siamsaktu ni turin a chah bawk. 
He hunah hian Khualzahawm Prof. DP. Agarwal chuan zirlaite chu khawvel inthlak danglam chak tak karah an awm mek a, India ramin khawvela dinhmun pawimawh tak a luah chho lai hmutute an ni tih sawiin, mi taima, tumruh leh mi inpe te tan chauh hun remchang a in hawng mek a ni, a ti. Hmasawn zel tumna te, fel taka tih duhna te, taimakna leh midang thawhpui theihna ten thui tak a thlenpui tur thu a sawi bawk.
Prof. UB. Desai pawhin zirlaite chu khawvel thiamna thang mek zela thawk hlawk tak ni tura a duh thu sawiin, India tluka thil thar chin chhuahna hmun remchang a awm loh thu a sawi a. Khawvelin harsatna hrang hrang a tawh mek lai hian, a hmel tidanglamtu te zinga thawhtu \angkai tak nia an la dai ngai loh dai ngam turin a chah a. Tunlaiah ethics a tlakhniam tawh thu sawiin, thil an tihna reng rengah mi hma leh mi zinga chet dan mawi ching zawm zel turin a chah bawk. 
NIT Convocation-ah hian NIT Director, Prof. Rajat Gupta chuan inlawmna thu sawiin, NIT Mizoram hmalakna te a tarlang a. He Convocation-ah hian kum 2015-16, 2016-17 leh 2017-18 chhunga zir chhuak mi 171 te hnenah degree pek an ni a. B. Tech-ah mi 165, M. Tech-ah mi 5 leh Ph.D-ah mi 1 te hnenah degree pek an ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi