AVBD ngenna angin mi tlawmngai ten thisen an pe

Serchhip Blood Bank-ah thisen dahkhawl sa a awm mumalloh avangin Association for Voluntary Blood Donation (AVBD) Serchhip Branch ngenna angin nimin khan mi tlawmngai engemaw zat ten thisen an pe.

Association for Voluntary Blood Donation (AVBD) Serchhip Branch hruaitute hnen a\anga thu kan dawn danin Serchhip Damdawi In Blood Bank-ah hian damlo thisen mamawh apiang ten rang taka thisen an dawn theih tura thisen dahkhawl sa nei turin theihtawp chhuahin hma an la a. Kumin a thisen pek tum an hnena in hriattir tawh te a\anga thisen pek hun tur hunbi an lo siam tawh anga tun thla tir lama pe tur pakhat te chuan engemaw rokhawlhna an neih thut avanga thisen hi an pek theih tak loh avangin niminpiah a\ang khan Serchhip Blood Bank-ah hian thisen dahkhawl sa a awm lo a ni.

AVBD Serchhip Branch hruaitute chuan engemaw thut awm palha thisen mamawh nghal thei kan nih avangin mi tlawmngai remchang apiangte chu nimin a thisen pe tura ngenin hemi ang hian nimin khan mi tlawmngai 10 ten thisen hi an pe a, heng zinga unit 2 chu nimin vek khan pekchhuah leh nghal niin tunah hian Unit 8 khawlsa a awm mek a ni.

AVBD Serchhip Branch hruaitute leh Blood Bank-a thawk te chuan hetianga thisen khawl sa a awmloh avang hian pawl anga thisen pe turin pawl hrang hrangte chu an ngen a, hemi ang hian Thenzawl Pastor Bial PYD te chuan karleh Thawh\anni khian thisen hi pek an tum thu rawn sawiin, hetianga Camp neih a nih dawn avang hian engemaw harsatna bik a awm a nih loh chuan thisen lama harsatna hi awm tawhlo tura ngaih a nih thu Blood Bank-a thawk te chuan an sawi bawk.