MURA ten MPCC nena inremna thu an thlun tawh tih hlawhtlin phut nan chawnghei an \an

Mizoram Underground Returnees' Association (MURA) chuan kum 2008 leh 2013-a Mizoram Pradesh Congress Committee nen inremna thuthlung an siam tihhlawhtlin phut nan niminpiah tlai a\ang khan chaw an nghei a. Ex-MNA Association chuan MURA thilphut chu tih hlawhtlin sak ngei turin Mizoram sawrkar chu an phut thu an sawi bawk.

MURA member-te hian Aizawl Tuikual South-a an pawl General Hqrs. Pisa-ah mi 15 in chaw hi an nghei a. An pawl President, PC. Lal\huama chuan an thilphut hrang hrangte tihhlawhtlin a nih hma loh chu thih thlenga chaw hi nghei chhunzawm an tum thu nimina an chaw ngheina hmun tlawhtu thuthar thehdarhtute hnenah a sawi a. An thilphut zingah hian MPCC nen thawhhona thuthlung an lo siam tawh angin an member Inhmun neite hnenah Insak \anpuina cheng nuai 20 \heuh Sawrkar-in pe tur te, MURA member leh an tu leh fate tan 4th Grade a\anga LDC thleng Post 200 pe tur te, chawp leh chilha an intuamhlawmna tur ngaihtuah sak nghal tur leh Mizoram hmun hrang hranga MURA member-te hnenah a rang lama NLUP pe turin Sawrkar an phut tih an sawi a ni. 

Thudawn danin MURA leh MPCC hian kum 2008 inthlan dawn khan inremna thuthlung ziakin Pathian leh mipui zara MPCC in thuneihna a chang a nih chuan MURA member-te \anpuina leh duhsakna atan Special Scheme siam ni se an tih bakah MURA member-te ham\hatna tur point 5 an ziak a. Hetiang bawk hian kum 2013 inthlan dawn khan thawhhona thuthlung ziak lehin, hetah hian MURA member-te ham\hatna tur point 10 tarlan a ni thung a, heng thawhhona thuthlung an siam te hi tih hlawhtlin an ngiat mek a ni.

Hetihlai hian Ex-MNA Association General Hqrs. chuan nimin khan thuchhuah siamin MURA ten sawrkara an thilphut te kum 10 dawn an nghah hnuah, sawrkarin tihlawhtling tura an laka a lo intiam anga ala tih hlawhtlinsak theih loh avanga chawngheia nawr hial a lo ngai ta chu pawi an tih thu leh an lainat thu an tarlang a. Sawr-kar chu MURA te laka a intiamna, tuna an thilphut te tihlawhtling tura chawngheia an nawr mek tihtawp dan ngaihtuah rang se an duh thu tarlangin, dawhkan khat kilpuia sawipuiin an thilphutte hi tihhlawhtlin sak thuai turin an ngenpui a, MURA ten politics-a an thlawpna ringawt hmang \angkai lova an thilphut tih hlawhtlin sak an ngiat thu an tarlang bawk.