YMA in Damdawi In hotute hnenah Kuang siamsa an hlan

Serchhip Sub-Hqrs. YMA chuan Inrinni khan Serchhip Damdawi In-a a mamawh apiang te hman atan Kuang siamsa 5 an hlan.

Serchhip Sub-Hqrs. YMA Conference kumin a neih tura Branch leh Group hrang hrang ten Agenda tur an theh-luh zingah Serchhip Damdawi In-a a mamawh apiangte hman tura Kuang dah rawtna hi telin hei hi Sub-Hqrs. YMA Executive Committee (SEC) bawhzui tura dah a ni a. Sub-Hqrs. YMA Executive Committee chuan Inrinni khan hnatlang neiin Kuang siam hna hi an thawk a, he hnatlang-ah hian mi 20 vel an thawkchhuak a, puitling Kuang tur 4 leh naupang Kuang tur pakhat (1) siamin Inrinni vek khan Serchhip District Hospital thuneitute hnenah an hlan nghal a ni.

Serchhip Sub-Hqrs. YMA hruaitute chuan Serchhip chu Mizoram laili-a awm a nih thu leh Serchhip damdawi In pawh Serchhip leh a District mai bakah District pawnlam hmun hrang hrang a\ang pawhin pantu \hahnem tak an awm \hin thu sawiin, heng zingah hian vanduaina tawka nunna chan ta hial te pawh an awm \hin thu an sawi a. Hetianga vanduaina tawka nunna chan zingah hian Kuang nena haw tir ngai an awmin a bulhnaia awm YMA Branch te chuan tlawm-ngaia Kuang hi an lo siam sak fo tawh \hin thu sawiin, hei hi chhawk zangkhai a nih theih an beisei thu an sawi a. Tuna Kuang panga an dah hi a mamawh apiang ten an hman hnuah mamawhna ala awm zel a nih chuan a theih anga hma an lak zel dawn thu an sawi bawk.

Serchhip Damdawi In kawt-ah hian Ser-chhip Sub-Hqrs. YMA hian Lok Sabha MP, CL. Ruala’n MP Fund a pek hmangin Morgue House an lo sa tawh a, he Morgue House sak hi Waiting Shed atan hman nghal niin \angkai taka hman mek a ni a, Inrinni-a YMA in Damdawi In hotute hnena Kuang an pek pawh hi Morgue House-ah hian dah niin a hman dan tur hi Dam-dawi In hotute nen inrawn \hin a ni ang.