MYC Cash Incentive Award sem

Mizoram Youth Commission chuan nizan hmasa khan Aizawl-a Lal Thanhawla Auditorium-ah Cash Incentive Award semna an nei a, he hun hi Chief Minister, Lal Thanhawla chuan a hmanpui a ni.
MYC buatsaih Cash Incentive Award semna hunah hian Chief Minister chuan MYC Chairman hmalakna hnuaia \halaite tiphur tura Cash Incentive Award buatsaih a ni chu lawm-awm a tih thu sawiin, a dawngtute chu an kal zelnaah hlawhtlinna hmu tura a duhsak thu leh \halaite tam zawkin an zirlai-ah leh eizawnna ah hlawhtlinna hmu a, chhungkua leh ram innghahna tlak an nih a beisei thu a sawi a. Sawrkar chuan \halaite tana khawvel thar siam a ngaih pawi-mawh thu leh chumi atan chuan kawng hrang hranga phak ang tawka hmalak a nih \hin thu a sawi a. Zirna lama export-quality education siam tura hma lain, kumin HSLC leh HSSLC exam result chu kum dang zawng aia a \hat thu te, infiamna lama infrastructure development siamin, Mizo \halai infiammite pawh India leh khawvel huapa an invawrh chhoh tak thu te a sawi bawk.
He hunah hian Khualzahawm School Education Minister, H. Rohluna chuan \halaite tan sawrkarin nasa taka hma la in, kum kalta lamah pawh eizawnna \ha \halaiten an neih theih nana kawng hrang hranga hmalak a lo nih tawh \hin thu a sawi a. MYC Chairman, Joseph Lalhimpuia MLA pawhin MYC in \halaite hmakhua ti eng tura hmalakna awm mekte a sawi a, District capital zawng zawngah Mizo \halai sipai \an tum te tan Pre-Training neih tum a nih thu a sawi bawk.
Nizan hmasa a he hun hmanna ah hian mi 55 te hnenah Cash Incentive Award hi sem a ni a, thla hmasa lama District hrang hranga Youth Summit & Road Show lo buatsaih ah khan mi 10 hnenah Cash Incentive Award hi lo sem tawh a ni a. UPSC Main Examination paltlang leh UPSC Exam kaltlanga NDA a inziak tlingte hnenah cheng nuai khat (1) pek an ni a, a bak zawng hnenah Rs. 50,000/- \heuh sem a ni.

Popular News

PAN CARD an tih teh fo hi - Laldinpuia

Hmeichhia te hmasawnna tura hmalakna chungchang thlirho.

anduai vanga thleng tih sawi