BBBP Action Plan pawm a ni
Serchhip District Task Force on Beti Bachao Beti Padhao (BBBP) Scheme chu nimin khan an Chairman, Serchhip District Bawrhsap, Sangchhin Chinzah hovin a Office-ah an \hukhawm a, kum 2018-19 chhunga BBBP Scheme hmalakna tur Action Plan siam chu Central lama thehluh atan an pawm.
BBBP Scheme hi Ministry of Women and Child Development in a ruahman anga India rama District hrang hrang 640 a kalpui tur a ni a. Hmeichhe naupang, fa an lo puna, zirna leh hmasawnna lama an lo \han nasat zawkna tura hmalakna niin a tum pawi-mawh ber chu ram mipui hnena chutiang lam zirtirna (awareness) pek a ni.
He Scheme hnuaia hmalakna tur duang tur hian District-ah Task Force din niin he Committee-a tel Member, Department te kaltlangin hmalakna peng hrang hrangte kalpui tur a ni a. Chung hmalakna tur peng hrang hrangte chu Meeting hmasa ah a lo duangtu tur inruat niin rawtna hrang hrang lut khawmte chu nimin Meeting-ah hian thlirho a ni a, pawm a ni ta a ni.
He Meeting-ah hian District Bawrhsap, Sangchhin Chinzah chuan, ruahmanna duante chu Central duh dan (guidelines) mil thei ang ber tura siam a nih thusawiin, a taka hmalakna kalpui hunah pawh hlawhtling taka BBBP kalpui ngei a pawimawh thu a sawi a. Ruahmanna changtlung tak an siam avangin Member, Department te chungah lawmthu a sawi bawk.
Comments
Post a Comment