Mizoram State Pollution Control Board Office Building thar Chief Minister in Aizawl-ah a hawng

Chief Minister, Lal Thanhawla chuan nimin khan Aizawl  New Secretariat Complex, Khatla-a Mizoram State Pollution Control Board (MPCB) Office Bulding thar chu a hawng a. Chief Minister chuan Mizoram chu State dangte nen khaikhin chuan la hring viau mahse ramngaw dik tak sawi tur a tlem tawh hle tih a sawi bawk.

Cheng nuai 220 senga sak Mizoram State Pollution Control Board (MPCB) Office Bulding thar hawnna hunah hian Chief Minister chuan State Pollution Control Board chu ram leh mipui hriselna atana hna pawimawh tak thawktu an nih thu sawiin, thawktu tamlo tak chunga \hahnemngai taka an hmabak an thawh \hin avanga fakawm a tih thu a sawi a. Pollution chu khawvel changkanna in a \ha lo lam thil a ken tel, khawpui changkang zawkah phei chuan boruak a thianghlimlo in hriselna atana pawi tham a ni tawh tih sawiin, “Mizoram-ah ngei pawh pollution a nasa telh telh a, kum tam tak kan thing leh mau ten tihchereu an lo tawk bawk a. Mizoram chu state dangte nen khaikhin chuan la hring viau mahse ramngaw dik tak sawi tur a tlem tawh hle,” a ti a. Sawrkar chuan pollution avanga sik leh sa inthlak leh, mihring hriselna leh nungcha tana harsatna a thlen dan hre reng chunga NLUP kaltlanga kawng hrang hranga hma a lo lak tawh thu te sawiin, “Khuarel chhiatna awm \hin mahse mipuiin kan tih ve theih chin a awm tih hriain, sawrkar tih turah chauh dah lova, pollution kaihhnawihah ngat phei chuan mitin hi mawhphurtu kan ni tih inhre chunga hma kan lak tlan a ngai a ni,” a ti a. Plastic hman tlem te inzirtir a, thianghlimna leh faina ngaipawimawh in; inrenchem zir tlang a, mahni tlin phak aia khawsak tihsan tum lo bawkin; environment tichhe thei zawng nunphung chu zawi zawia thlak danglam tura inhrilhhriatna kan uar a, a bik takin zirna In-ah pollution control lam sawi uar \ul a tih thu Chief Minister chuan a sawi a. Chutihrual chuan sawrkar pawhin tun aia nasa zawka pollution control lama hmalak a \ul a tih thu sawiin, MPCB pawh UD&PA nen nasa zawka thawhhona nei se a tih thu a sawi bawk.

MSPCB building thar hi Ministry of Environment, Forest and Climate Change a\anga EF&CC Department kaltlanga sum hmuh hmanga sak niin, Project Amount hi cheng nuai 220 a ni a, Consultancy Services (NECS) ten April 24, 2015 a\anga April, 2017 chhung khan sain Building zau zawng hi a vaiin 883.3 Sq.metre a ni a, Mizopa chhiara chhawng li (4) a sak a ni a. Basement 2 (215.15 sq.m) chu Laboratory a hman a ni a. Basement 1 (215.15 sq.m) chu parking area-ah hman a ni a. Building chung leh hnuaiah hian tuizem, a vaiin litre 12,000 dawng dah a ni bawk.

Mizoram State Pollution Control Board hi kum 1989 a din niin, part time Chairman kaih-hruaina hnuaiah a kal a, Member Secretary bakah Board Member dang paruk (6) an awm a. Boruak leh tui thianghlimna kaihhnawih Dan hrang hrang zawm a nih theih nan hma an la \hin a; Industrial Pollution Control te, Vehicular Emmission Test-te, Air Quality Monitoring leh Water Quality Monitoring te, Waste Management/bawlhhlawh sawngbawl bakah Public Hearing-te a nei \hin a. Dec. 2012 a\anga May 2018 chhung khan Vehicula Emission Test neih tawh ah lirthei 73,256 endik zingah 2,403 chuan test an paltlang phalo a ni.