Friday, 8 June 2018

Hriangtlang kawng hawn hun leh khar hun siam a ni

Serchhip leh Hriangtlang inkar kawng chu PMGSY hnuai a\angin laih mek a ni a. He kawng laih hna hi chak zawka thawh a nih theih nan kawng hawn hun leh khar hun hi siam a ni.
Serchhip leh Hriangtlang inkar KM 11-a thui laih hna hi PMGSY hnuaiah thawh mek niin he kawng hi Serchhip chhimlam kawtchhuah, Sailiamkawn a\anga laih a ni a, tunhnaia Lok Sabha MP, CL. Ruala hova Serchhip District Development Co-Ordination & Monitoring Committee (DDCMC)/DISHA \hutkhawm a tarlan a nih danin he kawng laih mekah hian hna thawh tur za zela paruk (6) chu zawh a ni tawh a ni.
He kawng laih hna thawh mek hi chak zawka thawh a nih theihna turin Serchhip District Magistrate, Sangchhin Chinzah, MCS chuan he kawnga kaltlang theih hun tur siamin tun thla, June 1, 2018 a\anga August 1, 2018 thlengin he kawng hi nitin zing dar 6:00 a\anga dar 9:00 thleng kharin dar 9:00 a\anga dar 10:00 thleng hawn a ni anga. Chawhma dar 10:00 a\anga chawhnu dar 2:00 thleng khar lehin dar 2:00 a\anga dar 3:00 thleng hawn leh a ni anga. Tlai dar 3:00 a\anga zan dar 6:00 thleng khar lehin zan dar 6:00 a\anga a tuk zing dar 6:00 thleng hawn leh a ni ang.
Serchhip leh Hriangtlang inkar kawng laih mek hi a tir lamah eng engemaw harsatna neuh neuh a awm avangin hna thawh theih a ni lawk lo a, amaherawh chu heng harsatna hrang hrangte hi chinfel niin tunah chuan hmun hrang hrangah Contractor ten hna an thawk mek a ni.

Latest News

Thuneihna semzai tum

MNF Vice President, R. Tlanghmingthanga chuan MNF a lo sawrkar chuan thuneihna sem-zai (decentralisation of power) chu a takin an kalpui d...