Mizoram pumah thla thar atangin Electoral Roll Special Summary Revision neih a ni dawn

Kumin atana Electoral Roll Special Summary Revision vawihnihna chu thla thar July 31 a\ang khian neih leh a ni dawn a, hei hi kumin a Assembly inthlanpui neih a nih dawn vang nia ngaih niin he Special Summary Revision neih tur atan hian nimin khan Serchhip District chhunga BLO leh Supervisor te tan training neih a ni.

Kumin January ni 1-a kum 18 tling chinte laa Electoral Roll Special Summary Revision neih a nih hnuah kumin January ni 1-a kum 18 tling chin te bawk laa Special Summary Revision neih leh tur chungchang ah hian nimin khan Serchhip District chhunga Booth Level Officer (BLO) leh Supervisor te chuan Serchhip DC’s Conference Hall-ah training an nei a, he hun hi Election Officer, Lalvenhima chuan kaihruaiin Electoral Roll Special Summary Revision neih leh tur chungchang a sawifiah bakah he Revision neih leh tur atana BLO leh hriat tur pawimawh hrang hrang a sawi a, ani bakah hian Neng Thianlala, AERO 26-Serchhip (ST) AC pawhin kalkhawmte hi zirtirna a pe bawk a, Electoral Roll Special Summary Revision neih tura BLO te hriattur pawimawh hrang hrang leh Form fill-up tur pawimawh hrang hrangte chinfel dan an zirtir a, zawhna leh chhanna hun hman a ni bawk. Serchhip District chhungah hian BLO hi 77 awmin Supervisor hi 9 an awm bawk a ni.

Kumin January ni 1-a kum 18 tling chin te laa Electoral Roll Special Summary Revision neih tur atan hian BLO hrang hrangte chu an bial \heuh ah an inbuatsaih chho mek a, ruahman lawk ang chuan tuna Electoral Roll hmanlai chu Draft Roll-ah hmangin thla thar July 31 khian tarchhuah a ni dawn a, hemi Ni a\anga August 31, 2018 thlengin hming thun belh, paih leh siam\hat ngai te tan dilna hun hawn zui nghal a ni anga, heng dilna lut hrang hrangte hi September 20, 2018 hmaa chingfelin tihtur pawimawh hrang hrangte tihfel a nih hnuah Electoral Roll thar chu kumin September 27 khian tarchhuah a ni ang.

Dan pangngai ang chuan kumin hian Mizoram chuan Assembly inthlanpui a hmachhawn dawn a, inthlanpui neih hma hian Electoral Roll enfiah hna hi thawh a \ul avangin tun \um hi Assembly inthlanpui neih hmaa Electoral Roll enfiah hun hnuhnung ber tura ngaih a ni a, kumin September thla ralhma chuan Mizoram inthlanpui hi neih a ni dawnlo tih a chiang nia ngaih a ni bawk.