Bazar tual zauh tum mek a ni

Serchhip Market Building tual zawl chu zauh tumin Serchhip Town Development Committee chuan hma an la mek.

STDC hian Serchhip Bazar Building kawt, PWD ram bul chu zauh tuma hma la mekin ruahman dan chuan PWD SDO in Quarters atana a hman mek hnunglam Bazar tual bula Vantlang Zun In leh bawlhhlawh bawm te chu senghawi tum a ni a, helai hmuna MNF East Block Serchhip ten Martar Lungphun an siam pawh senghawi tura ngenin MNF East Block Serchhip te chuan tih hlawhtlin an remtih hnuah Inrinni zing khan Serchhip Town Development Committee hian helai hmun hi an tlawh a, hemi hnu hian YMA Office-ah inkawmna nei zuiin MNF East Block hruaituten Bazar tual laih zauh hnua ko-pang nghenga dah leh an duhna chu tihhlawhtlin theih ni mahse, nakin lawkah Bazar tihzauh leh emaw, Shopping Mall emaw siam a la nih mai theih thu sawi a ni a, hetiang a nih chuan sawn leh tho a la \ul thei a, chuvangin ngaihtuah nawn leh turin an ti a. Hemi hnu hian PWD EE pawh hemi chungchang hi an sawipui leh bawk.