Town Development Committee in kawng zauh dan tur rel

Serchhip Town Development Committee chu nimin khan \hukhawmin Serchhip khawpui chhunga inkalpawhna kawng \henkhat zauh dan tur an sawiho.

Serchhip Town Development Committee \hutkhawm Serchhip Sub-Hqrs. YMA Committee Room-a neih hi an Chairman, PC. Vanlalsawma chuan kaihruaiin Serchhip Bazar Sumkungi (L) In kawt a\anga Lower Chanmari panna kawng siam zau tura hmalakna kal mek chu a rang lama bawhzui leh relin a hmuna lo enfiah tur an inruat a. P&E veng panna leh Serchhip Damdawi In TRAUMA kawt footpath zau zawk leh rinawm zawka siam\hat a nih theih nan bialtu MLA hnenah thlen nise an ti bawk.

Hei bakah hian Serchhip Bazar Market, SBI Office lam a\anga luha Bazar tual zawl tihzauh a nih theih nana MNF East Block in Martar lung an phun STDC in sawn tura a ngenna rem an ti chu lawmawm an tih thu an sawi a, a sawn dan tur lo sawiho tur pawh an ruat a. Serchhip- VII VC ten an Dawr sawn an remti chu lawmawm an tih thu sawiin, Serchhip Kawnpui South leh North Branch YMA te Information building sawn tura ngenna, hmundanga sawnna tur tihfel hma chu an rem tihloh chungchang pawh a \ul dan angin Branch pahnih YMA hruaitute hi la sawiho pui leh nise an ti a. Serchhip District Basketball Association in Basketball Court siamsak tura Chief Minister hnena an dil, Chief Minister in STDC hnena a thlen leh chu District Sports Committee in lo ngaihtuahpui se an ti bawk.