Bazar-ah Vawksa hralh a har

/
Serchhip Bazar-a Vawksa zuar \hin te chuan tunhnaiah Social Media-a thuthang awm avangin Serchhip-ah Vawksa hralh lamah harsatna an tawh thu an sawi.
Tunhnai khan Serchhip-a Whatsapp Group hrang hrangah Serchhip-a Vawk talh \hin mi \henkhat ten Baktawng a\angin Vawk damlo leh enkawl lai te chu man tlawm te te-a lain Serchhip lamah an phur nia tarlan a ni a, hetianga thuthang a awm hnu hian LENKAWL chuan Inrinni khan Serchhip Bazar-a Vawk talh \hin te chu bekualin, heng Vawksa ser \hin te hian he thuthang avang hian Vawksa hralhchhuah kawngah harsatna an tawk mek tih an sawi a. Hetianga Vawk hrisello lakluh hi a awmloh thu sawiin, hemi chungchang ah hian Serchhip Sazuar Association te pawhin Meeting neia a \ul anga hmalak an tum thu an sawi bawk.
Serchhip-a Vawksa ser \hin te chuan a hma chuan Inrinni tukkhat ah Vawk 15-20 vel talh \hin a nih thu sawiin, heng te pawh hi an hralh zo tlangpui \hin tih an sawi a, amaherawh chu tunhnaia thuthang avang hian Inrinni khan Serchhip Bazar-ah hian Vawk 11 chiah talh a nih thu an sawi bawk. Hetianga vawksa hralh a harsat lai hian Serchhip Bazar-a Bawng talh \hin te chuan Bawngsa hralh erawh a nuam sawt tih an sawi thung.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »