Mizoram State Lottery kalpuitu firm pali (4) term tawp tawhte chawlhtir nghal turin MNYF in an ngen

/
Mizo National Youth Front (MNYF) Hqrs. chuan nimin khan Aizawl Tuikhuahtlang-a Mizoram State Lottery Office tlawhin Mizoram State Lottery kalpuitu Firm pali (4) term tawp tawhte chu chawlhtir nghal turin an ngen.
MNYF Hqrs. hruaitute hian Mizoram State Lottery Office-a Director, Jennifer HL. Duhawmi leh Joint Director, Zoramchhana te hmuin Mizoram State Lottery kalpuitu Firm pali (4) term tawp tawhte chu chawlhtir nghal turin an ngen a. He hunah hian H. Ramdinliana, Vice President MNYF chuan Congress sawrkar chuan Mizoram tana hlawk lo thei ang berin kum 2012 a\ang khan Lottery a kalpui tih sawiin, Chief Minister duhsakna dawngtu firm pali (4) te chu an agreement hun tawp hnuah vawi hnih (2) lai Tender thar ko lovin an term a lo pawhsei sak tawh a. An term pawhsei vawi hnihna hi May 29 khan a tawp tawh chungin tun thleng hian an la hmang reng tih a sawi.
MNYF Vice President chuan, "CAG report 2016 a\anga a lan danin, kum 2012-15 chhungin Lottery a\anga sum hmuhchhuah chu cheng vbc. 11834.22 a ni a. Heta \anga Mizoram sawrkara Lottery distributor-te'n sum an chhunluh chu cheng vbc. 25.45 chauh a ni," tiin, "Kum 2015-16 a\anga 2017-18 inkar chhung hi CAG chhui tel loh a ni a, hemi chhung pawh hian cheng vbc. sing chuang fe a lut leh ang tih a chiang a, chutih laiin tuna firm pali (4) te inremna a siampui dan chuan cheng vbc. 30 vel bak Mizoram sum bawmah a lut dawn lo tih a chiang a. Chuta \anga a tlem thei anga chhutin kum 2012 hnu lama Lottery a\anga sum hmuh hi cheng vbc. 20000 chuang a ni tawh a, heta \anga Mizoram sum bawma lut tur chu cheng vbc. 50 vel chauh a ni a, hei hi a \ha lo takzet a ni," a ti a. "Hetianga a hlawk lo thei ang bera Lottery kalpuitu firm pali te an term tawp hnuah pawh Vawiin thlenga lottery an la kalpuitir zel hi thil diklo leh sawrkar tana hlohna nasa tak a ni a. Chuvangin MNF |halaite chuan tuna an term tawp tawh firm palite an term tawp hnua Lottery a la kalpuitir reng hi a rang thei ang bera titawp nghal turin sawrkar kan phut a, Lottery-a eirukna lian tham tak hi CBI chhuitir thuai turin sawrkar kan phut bawk a ni," a ti bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »