Wednesday, 6 June 2018

PRISM |halai ten SAI hmunhma an zirchiang

PRISM |halaite chuan Aizawl-a Sports Authority of India (SAI) hmunhma te chu Mizoram sawrkarin ngaihthah hle lo se chuan hei ai hian infiamna lama tuimi te chher chhuak tam thei leh talent nei \ha tak tak te India ram mai nilo, khawvel mithmuha phochhuahna kawng awmah an ngai tih an sawi.
PRISM |halaite hian May 30 leh 31 khan Sports Authority of India (SAI) hmunhma Aizawl-a awm te enfiah leh an hotute kawmin an zirchiang tih an sawi a, SAI hian Imphal-ah North-East Regional Center neiin Mizoram hi Asst. Director enkawl tura tih a nih laiin an neilo a, TT Coach pakhat in charge la-in a enkawl mek a. Sport discipline hrang hrang Boxing, Judo, Teakondo, Karate, Wrestling, Weighlifting leh Sepaktakraw te zir theih niin Lunglei SAI Extension-ah zirlai sawmthum leh Thenzawl Hmeichhe Hockey zirlai 40 awmna an nei a. Thawktu (Staff) an indaihlo hle a, Multipurpose Hall hi chei\hat mek niin MANIDCO (Manipur Industrial Corporation Ltd) enkawl niin mistiri panga-in hna thawkin an hna a muang hle a, eng huna thawh zawh tur nge pawh an hriatloh bakah sanction amount zat pawh an hrechiang lova, DPR an neilo bawk tih an sawi.
SAI Hostel-ah hian seat 100 awmin tunah hian mi 92 an awm mek a. SAI Multiporpose Hall-ah zing leh tlai-ah practice \hin in, an vai hian lehkha zirlai an la ni vek a. An practice na leh an Hostel inkar hi KM 2 dawn a nih avangin tuk\huan an ei mumal thei meuh lova, transportation ngaihtuah an ngai hle tih an sawi a. Electric Current nei pangngai viau mahse, zing leh tlai-a hah taka practice \hin an nih avangin insil/inbualfai na tura tui an mamawhna a sang a, an tui dawn erawh a mumal lo hle tih an sawi a, karkhat chhung inbual lo a awm chang pawh an nei fo \hin niin tih pawh sawiin, Zirlai pakhat tan Rs. 250/- nikhat sanction nimahse tui leina atana an hman \hen fo a ngaih avangin duhthusamin ei leh in an nei \ha theilo bawk tih an sawi a. Hetiang dinhmuna an din lai hian Asst. Director charge la tu sawidanin 2016 September a\ang khan Sports Department changtu Minister emaw, sawrkar hotu lian tlawh an la nilo bawk a ni.
SAI hmunhma an tlawhna ah hian PRISM |halai President, RL. Liantluanga chuan, “PRISM kan sawrkar a nih chuan Sports Policy nen Sports hi eizawnna siam zawngin kan kalpui dawn,” tiin Sports a sum an hmuh tam theihna turin a sponsor theitute chhiah awl theih dan tur Taxation Policy-ah an dah dawn tih a sawi a. Weight category awm chi infiamna te uar a nih dawn thu sawiin, contact sports pual bik arena changtlung tak siam tum a nih thu leh SAI hmun pawh awmze neia hman \angkai a nih dawn thu a sawi bawk.

Latest News

THLASIK KHUAL|HA TE I DUAT ANG U

THL ASIK KHUAL|HA TE I DUAT ANG U - K. Lalmuansanga (Zotei Pa), ASEP