MURA Member ten chawi nghei chhunzawm zel

Mizoram Underground Returnee Association (MURA) leh Mizoram Pradesh Congress Committee (MPCC) te inremna siam tihpuitlin nawr nana MURA member ten tun thla ni 7 a\anga chaw an nghei chu an la chhunzawm zel a, an thilphût a hlawhtlin hma chu chawnghei an tum tih MURA President, PC. Lal\huama chuan a sawi.
MURA member 18 vel chuan Tuikual South-ah chaw hi ngheiin MPCC leh MURA hian November 13, 2018 khan inremna lo sign tawhin he inremnaah hian MNF Underground Returnee-ten ham\hatna an neih theihna tur tihhlawhtling turin an lo intiam tawh a. Inremna ah hian returnee-te tan ram pek tur, an In sakna senso tur sum pek, an fate sawrkar hna pek, returnee-te contract hna pek, development hnathawh hrang hranga ham\hatna dawn tir ve leh sawrkar \anpuina hmanga Housing Loan pechhuaktu zinga MURA member dah ve tih te a awm a. Hetianga an inrem hnuah hian MPCC chuan MURA hnenah hian lehkha thawnin, an thilphût point pahnih-te chu sawrkar kalphung pangngaiah tihhlawhtlin theih a nih loh thu an hrilh niin MURA President chuan a sawi bawk.
MURA President Lal\huama chuan Congress party-in an thil tiamte an la tihlawhtling lo tih sawiin, an nawrh chhungin Congress party mi leh sa emaw, Medical Team emaw takngial pawh an hnenah tirh an la ni lo tih a sawi a. “Kan hriselna dinhmun a \ha lo em em a, kan member-te hi kum 70 chuangte an ni hlawm tawh a, kum 60 chung lam deuh vek kan ni,” a ti a, Congress-in an intiamna an tihhlawhtlin hma chu nawrh chhunzawm zel an tum niin a sawi bawk.

Popular News

PAN CARD an tih teh fo hi - Laldinpuia

YMA Day pual Article :