Mizoram in MoHFW a\angin lawmman dawng dawn

Ministry of Health and Family Welfare chuan kum 2017 leh 2018 inkara nu nau chunga thi tihtlem kawnga hnathawk tha state zingah Mizoram chu a thlang a. Hnathawk \ha lawmman hi tun thla ni 29 khian Union Minister of Health & Family Welfare(MoHFW), Jagat Prasad Nadda chuan a sem dawn a ni.

Nu nau chunga thi te tihtlem kawnga hma la \ha leh lawmman dawng tur zingah Mizoram State a tel thu hi June 21, 2018 khan MoHFW Joint Secretary chuan e-Mail kaltlangin Health Principal Secretary, Lalrinliana Fanai leh Dr. Lalrozama, Mission Director, National Health Mission, Mizoram te a rawn hrilh a. Lawmman dawng tur hian Mission Director leh Dr Hmingthanmawii, State Project Officer, Reproductive Child Health(RCH) te an kal dawn a ni. NHM, Mizoram data in a tarlan dan chuan kum 2016 leh 2017 inkara nu nau chunga thi zat chu 20 an nih laiin kum 2017 leh 2018 inkarah nu nau chunga thi zat chu 14-ah a tlahniam tawh a ni.