Lenkawl

Transport Minister, TJ. Lalnuntluanga chuan nimin khan a bial chhung Champhai Electric Veng-ah Champhai South Higher Secondary School chu a hawng.

Reserve Bank of India (RBI), Aizawl buat-saihin nimin khan Aijal Club-ah 'Responsible Borrowing and Agricultural Finance' tih thupui a hmangin Financial Literacy Week 2019 hawnna neih a ni a, Agriculture Department Secretary, Lalhmingthanga IAS chuan khuallian niin a hmanpui a ni.

Mizoram sawrkar-a Manpower Development Committee Vice Chairman, Dr. Vanlal\anpuia MLA chuan hun reilote chhunga an hmalakna te chu chona leh bungthar min kai tirtu nise a duh thu a sawi.

Aizawl Treasury Square-a Mizoram State Cooperative Marketing & Consumers’ Federation (MIZOFED) Ltd. Petrol Dispensing Pump chu a mamawhtu apiangin nikhata darkar 24 chhunga an dawr theih turin nimin zing khan Cooperation Minister, C. Lalrinsanga’n a hawng.

Kar kaltaa Serchhip District-a Road Safety Week hman chhung khan lirthei dan zawm kimlo mi 43 man niin heng zinga mi 28 te chu pawisa chawitir an ni.

Serchhip Sub-Hqrs. YMA Vigilance & Monitoring Committee hruaitute chuan nimin zing khan Serchhip Ramthlun Veng kawng hnuai-a Goodwill English Academy School peng a\anga kawngpui zauhna tura kawng zauh hna, NEDP sum cheng nuai 10 hmanga thawh chu enin helai hmuna hnathawh chu \ha thawkhat viau mahse a zau zawng-ah duhthu a sam tawklo nia an hriat thu an sawi a.

ZPM hruaitu, Lalduhoma chuan Mizoram-a kan MP te tlin dan chu Hnam rilru a\anga thlir chuan thinlung a na tih sawiin, Mizote kan harh a \ul tak meuh ta tih a sawi.

Mizoram Hindi Training College (MHTC) Principal nihna chelh mektu an duhloh zia lantir nan nimin khan Aizawl City College Joint Students’ Union, DIET Trainees Union, Women’s Polytechnic Aizawl Student Union leh Mizoram Hindi Training College Adhoc Trainees Union te chuan MHTC Principal lim, Documents leh RTI dawt hmanga chhanna-te an hal a, zirlaiten an duhna tih puitlin a awmlo anih chuan na zawka chet an tum thu an sawi.

Agriculture Minister, C. Lalrinsanga chuan Sawrkar tharah kut hnathawkte chu ngaih pawimawh an hlawh zual dawn tih a sawi a. Kut hnathawkte mamawh in\awm phuhruk nan SEDP hnuaiah hmalak a ni chho dawn tih sawiin, ram leh Hnam thinlung pu chunga hma la turin kuthnathawktute a chah bawk.

Mizoram hmun hrang hranga World Bank sum hmanga inkalpawhna kawngpui sial ah thing\iak nuai khat chuang phunna tur ruahmanna siam a ni.

South Tuipui bialtu MLA leh Health Minister, Dr.R.Lalthangliana chuan Inrinni zing khan Hnahthial District tih puitlinna turah Hnahthial khawchhunga Sawrkar Department hrang hrang ram dinhmun a enfiah a, June 15 ralhmain an dinhmun leh mamawhte chu ziakin a hnenah thehlut turin Pisa hrang hrang hotute chu ngen bawk.

Thenzawl Pastor Bial K|P te chuan Inrinni khan Serchhip Blood Bank-a dah turin thisen Unit 59 an pe. Thenzawl Pastor Bial K|P te hian Central K|P in thisen pek Calendar an siam zulzuiin thisen pekna hun hi Thanzawl Vengsang Community Hall-ah an buatsaih a, he hunah hian Bial chhunga K|P member mi 59 ten thisen hi pein thisen petute hi mipa 43 leh hmeichhia 16 an ni a, heng mi tlawmngai te thisen la tur hian Serchhip a\angin District Medical Superintendent, Dr. ZD. Lalmuanawma hovin thawktute an kal a ni.

Tunhnaia Serchhip District-a dan lova lakluh Vawk an man te chu Court thuchhuak angin Inrinni khan Serchhip District Magistrate rua-hmanna angin tihral a ni.

Mizoram Liquor Prohibition Act (MLPA) pass a nih hnuah Mizoram a dan anga Zu zawrh khap a nih tak avangin Mizoram chak lakna hnai ber, Inter-State ramri depa Lailapur (Assam)-ah Zu dawr te an in hawn leh \an thu Vairengte Excise Department hotute chuan an sawi.

Chief Minister, Zoramthanga’n Aizawl khawpui chhung a\anga Zokhawsang-a Assam Rifles sawnchhuah theih a la nih rih loh chhan chu Sawrkar hmasa-in kum 10 chhung hmala lova a muttluk san vang niin a sawi.

Serchhip Sub-Hqrs. YMA Vigilance & Monitoring Committee chuan Inrinni khan Kei\um leh Khawlailung inkar, Tuichang Lui-a Lei dawh mek chu tlawhin hnathawh kal mek an enfiah a. Hnathawh tawh chin chu \ha thawkhata an hriat thu sawiin, huntiam chhunga zo hman tura theihtawp chhuah turin an chah bawk.

Union Minister thar te leh an Ministry chanpual

Mizoram Bar Association-in June thla tir a\anga Aizawl khawpuia lirthei intlanchhawk dan thar hman tur duh lova Gauhati High Court-a an khin avangin High Court chuan he Order hi June 6 thleng atan a Stay sak.

Health Minister, Dr. R. Lalthangliana chuan nimin khan Thenzawl khawchhunga a Department chan Office pawimawh hrang hrangte tlawh-kualin, an hmalak mekna te a enfiah a, an mamawh an thlente ngaihthlaksak in, theihtawp chhuaha hmalak anih tur thu a sawi.

Chhiahtlang HSS chuan nimin khan HSSLC Exam result chhuakta a an result \hat lawmna an nei a, he hun hi bialtu MLA leh Assembly Deputy Speaker, Er. Lalrinawma chuan a hmanpui a ni.