Lenkawl

Electoral Roll Online hmanga kalpuina Software thar ERONet hman dan tur zirhona chu nimin, April 27, 2017 khan Serchhip District Election Officer, District Bawrhsap ni bawk, Sangchhin Chinzah hovin Serchhip DC Office-ah neih a ni.

Nimin khan Fisheries Department Serchhip District buatsaihin Hmar Veng YMA Hall-ah Sangha khawitute tan training buatsaih a ni.

Presbyterian English School, Serchhip chuan nimin, April 27, 2017 khan ‘Motivational Lecture’ Programme hun hmangin he hunah hian Resource Person atan Vanglaini Chanchinbu Editor, K. Sapdanga chu hman a ni.

Home Minister, R. Lalzirliana chuan Mizoram Sorkar leh HPC (D)-in inremna zawnga inbiakna an kalpui mek chu tun thla ni 28 hian chhunzawm a ni dawn tih a sawi a. Tripura Camp-a awm, Bru te hruakir tura hmalakna kal lai chu Bru ten Supreme Court-ah thubuai an thehluh avangin chawlsan lailawk rih a ni, a ti bawk.

Mizoram Merchant Association (MIMA) te chuan Inrinni khan Aizawl Press Club-ah thuthar lakhawmtu te kawmin an hmalakna hrang hrangte an tarlang a, tunkar Nilaini hian khawmpui neiin ‘Thingserh sah’ an tum tih an sawi.

Serchhip Hmar Veng-a Stadium sak meka phah tur Artificial Grass chu Inrinni khan Serchhip rawn phurh thlen a ni.

Serchhip District chhunga Salvation Army Youth te chuan Inrinni khan Salvation Army Indian Eastern Territory kum 100 tlin lawmna atan damlote hman turin Serchhip-ah thisen Unit 37 an pe.

MJA Serchhip District chuan PHE Ser-chhip WATSAN Division-a EE PHE kalchhuak tur, Er. Lalhruaia chu Aizawl lamah sawn anih dawn avangin nimin tlai khan a chenna In ah an thlah a, he hunah hian thlahna thuziak an hlan a ni. Er. Lalhruaia hian karleh tir lam khian EE thar tur, Er. F. Lalsanglura hnenah charge hi hlan a tum a ni.

Ningani (April 13, 2017) chhun dar 12:15 vel khan New Serchhip Venglai Branch YMA huamchhunga F. Lianchama (L) In, Lalramnghaka te nupa luahlai chu a kang a, bungrua engmah chuh hman a ni lo.

Sub-Hqrs. YMA Serchhip Coordination Committee chu Ningani khan Sub-Hqrs. YMA Meeting Room, Serchhip-ah Sub-Hqrs. YMA Serchhip President, R. Sanghmingthanga kaih-hruaia \hukhawmin April ni 20, 2017-a Sub-Hqrs. YMA Serchhip Rorel Inkhawm neih tur chungchang an sawiho.

Sorkar laipui Ministry of Power chuan India ram chhunga kawlphetha hmanga Eng la nei ve lo thingtlang khaw 18,452 a\angin 13,000 zet chu Deen Dayal Upadhyaya Gram Jyoti Yojna (DDUGJY) kaltlangin Eng a pe tawh tih sorkar thuchhuah chuan a tarlang a. May ni 1, 2018 ralhma ngeiin Eng nei lo khaw 4,481 chu Eng pek hman tum a ni. Thingtlang khaw Eng pek dan hi GARV Mopile app leh web portal (https://garv.gov.in/garv2/dashboard/main) kaltlangin  a duh apiang tan en theih reng a ni a. Data thar ber ber englai pawha dah a nih bakah State sorkar te hnena DDUGJY fund pekchhuah dan leh an project kalpui mek te tarlan a ni bawk.

Nimin khan Serchhip-a CMO Conference Hall-ah Naupang Thihna chungchang zirhona leh naupang kumkhat hnuailam thihna tihtlem dan tura inzirtirna hun hman a ni.

Sorkar kum liamta chhung khan Serchhip-a Tobacco Cessation Clinic (TCC) pantu mi 382 awm zingah mi 69 ten zuk leh hmuam an tih \hin te an bansan tawh.

Mizoram-a District Hospital hrang hrang dinhmun enfiahtu, Quality Assurance Moni-toring te chuan Serchhip District Hospital tlawh mekin nimin khan thawktute nen inkawmna an nei.

PRISM chuan Mizoram siam\hatna atana hmalakna an tumna hrang hrang puangin, “Kalphung pangngai leh siam\hat tumna indona kan puang a ni ta ber,” an ti.

Nimin khan Serchhip P&E Veng YMA Hall-ah Accounts & Treasuries Department Aizawl bul tumin Serchhip District Treasury hnuaia Drawing & Disbursing Officer (DDO) leh NPS Dealing staff te tan New Pension Scheme (NPS) chungchang zirna buatsaih a ni a, he hunah hian NPS Form hrang hrang fill-up dan te leh NPS chungchanga hriat tur pawimawh chi hrang hrangte powerpoint hmanga entir leh zirtirna neih a ni. NPS hi Mizoram sorkar hnuaia a ngheta thawk, ni 1.9.2010 leh hnu lama mite tana hman vek tura duan a ni a, tun dinhmunah NPS dan hmang mi 5,200 an awm mek a ni. He Training hi Sangliana, Treasury Officer, Serchhip in a kaihruai a, Esther Leihang, MFAS, Assistant Director (NPS), Accounts & Trea-suries Department chuan inlawmna thu sawiin, F. Malsawmkima, Assistant Auditor leh Bernadeth Lalhmangaihtluangi, Assistant Auditor ten NPS chungchang hi chipchiar takin kalkhawmte hi an zirtir a ni.

Tunhnaia Serchhip khawpui chhunga YMA Branch hrang hrangte \hukhawm chuan PMAY hnuaia In sak \anpuina dawngtu verification neih mekah hian YMA chu inrawlh loh nise an ti nia thudawn a ni .

Rashtryia Bal Swasthya Karyakram (RB-SK) hnuaiah nau pianghlim leh kum 18 hnuailam piansualna leh rualbanlohna neite zawnchuah hna thawh tur inzirtirna, One Day Facility Based Training chu nimin khan Serchhip-ah neih a ni.

Sorkar laipui in khawpui-a chenna In neilo ten In an neih vek theihna tura hma a lakna, Housing for All hnuaia Beneficiary-led Construction (BLC) kaltlanga Serchhip-a In sak \anpuina dil te dilna enfiah hna chu nimin khan thawh \an a ni a. Serchhip khawpui chhungah In ak \anpuina dil hi 683 an awm a ni.

Serchhip District Archery Association buatsaihin naupangte tana Thalkah zirna chu nimin khan Serchhip P&E Veng-a Leisekawt Mual-ah neih \an a ni a. Thalkah lama tuimi te zirtir tur hian Sports Department a\angin Coach, Dinpuia chu chah chhuakin naupangte tan Thalkah zirna hi an buatsaih a, he Coaching Camp hi Vawiin hian Leisekawt Field-ah bawk hian chhunzawm leh tura ruahman niin helama tui mi a duh apiangte tel turin an sawm a, a tel duhte chuan Registration Fee Rs. 20/- pek chawpin inziahluh theih a ni ang.

Serchhip District Football Association (SDFA) buatsaih Under-14 leh Under-17 Football Tournament chu Vawiin khan Final khela zawhfel a ni a, he Tournament kharna inkhawm Vawiin a neih chu MJA Serchhip District President, C. Lalhminghlua chuan khuallian niin a hmanpui a ni.

Mizorama kuthnathawktute dinhmun zir chiang tur leh hmalakna hrang hrang ngaihven turin International UN hnuaia IFAD Design Mission Team te chuan niminpiah khan Aizawl an lo thleng.

MPCC President leh Chief Minister ni bawk, Lal Thanhawla chuan, “Budget hi campaign nana hman tham anih lo chuan a \ha lo tihna a ni,” a ti.

Nimin khan MZP General Hqrs. hruaitute leh Mizoram Scholarship Board Secretary, JH. Zoremthanga te chuan Mizoram Scholarship Board Office-ah inkawmna neiin Zirlaite Scholarship chungchang sawihona neih a ni.

Nimin khan International Fund for Agricultural Development (IFAD) Missions Team chuan Serchhip leh Thenzawl tlawhin kuthna-thawktute, kuthnathawktu pawl hotute, khawtlang hotute leh NLUP Line Department hotute an kawm a. Mizorama Loneitu leh kuthnathawktu te chawikan dan tur ruahmanna thar siam dan tur an rawn zir chiang.

‘NLUP vangin sorkar hnathawk ten thawh tur an haihchham’ - Dr. Thangtea MNF Vice President, Dr. R. Lalthangliana chuan Congress NLUP avangin sorkar hnathawkten thawh tur an haihchham a, an Office rawkin a awm a; MNF SEDP vang erawh chuan thawh tur an haihchham lovang a, cheng vbc. telin kan thuam ang, a ti.

Urban Development & Poverty Alleviation Department hnuaia Scheme kalpui mek, National Urban Livelihood Mission (NULM) component pakhat, Shelter for Urban Homeless (SUH) Amended Guidelines zirchianna leh zirhona ni 2 awh chu nimin khan Serchhip-a DLAO Con-ference Hall-ah chhunzawmin zawhfel a ni.

Serchhip District Bawrhsap hna chelh mektu Dr. Lalrozama, IAS chu National Health Mission Director tura sawn a nih hnuah tunkar tawp khian a hna thar zawm turin a kal dawn ta a, nimin tlai khan MJA Serchhip District chuan a chenna, Khawtetlang-ah thlahna hun an hmang. Nimin a MJA ten Bawrhsap an thlahna hunah hian MJA (SD) President, C. Lalhminghlua leh DC, Dr. Lalrozama te chuan thu sawiin, Serchhip DC hna a chelh chhunga thawhhona \ha tak an nei chu lawmawm an tih thu an sawi a, MJA te hian DC hi ngaihhruihna thuziak an hlan bawk.

Serchhip Bazar Building chhunga thil zawrh-lai \henkhat chu nimin zing khawvar hma khan misual tu tih hriatloh ten an hal sak a, vanduaina nasa zawk a thlen hmain kangmei hi \helh hman a ni.

Serchhip District Football Asssociation buatsaih Under 14 leh 17 Football Tournament chu nimin khan Serchhip P&E Veng-a Leisekawt Mual-ah khelh \an a ni.

Mizoram Merchant Association (MIMA) leh an thawhpui pawl hrang hrangte chuan, Aizawl-a Vishal Mega Mart hawn duh loh lantire nan nimin khan dawr kharin lungawilohna an lantir a. Hetihlai hian Vishal Mega Mart neitute chuan MIMA chuan eng ang pawhin dodal mah se an dawr hawn tur chu an \hulh loh tur thu an sawi.

Serchhip Venglai-a tlangval pakhat, Lal-hruaizela chu Inrinni zan khan Serchhip Chhim Veng mi nia hriat mi 10 rual ten kut an thlak a, he thil thleng hi Govt. Serchhip College Students Union leh New Serchhip Football Club te chuan an dem thu thuchhuah siamin an sawi.

 Serchhip Vengchung Pastor Bial K|P te chuan nimin khan JN Hosptial, Serchhip-a hman turin Almirah leh Hmunphiah an pe.

Sorkar laipuiin India khua leh tui dik tak te chhinchhiahna tura hmalakna kal mekah Serchhip District chhunga mipui za a 79 (79%) chuangten ten Adhaar Card nei/siamtir tawh.

MNF Vice President, Dr.R.Lalthangliana chuan, “SEDP hmang hian Mizote khawvel thar kan siam ang,” a ti.

Mizoram tlawha rawn zin, National Commission for Women (NCM) Member, Hmarchhak enkawltu, Rekha Sharma chuan Chief Minister, Lal Thanhawla kawmin ramchhung hmundang nena khaikhinin Mizoram-ah Hmeichhiate dinhmun chu a \ha zawk nia a hmuh thu a sawi.

Inrinni khan Zoram Entu Pawl (ZEP) Drop-in-Centre Serchhip Tuikhuah Veng-ah Young Women Christian Association (YWCA) leh Zoram Entu Pawl (ZEP) bultumin ‘Be the Best Version of You’ tih thupui hmangin training neih a ni.

World TB Day, March 24-a hman \hin chu Inrinni khan Serchhip-ah hman a ni a, kumin chhungin Serchhip District-ah TB vei mi 16 hmuhchhuah an ni tawh.

Serchhip District Volleyball Association buatsaih Season Opening Tournament chu nizan khan khelh zawh a ni a, Hmeichhia-ah Friends Club, New Serchhip leh Mipa-ah Chhim Veng Volleyball Club ten an khingpui te hnehin an champion.

Mizoram Legislative Assembly Budget Session nimin a chhunzawm-ah MNF Member, Lalrinawma resolution putluh, 'MLPC Act kan hman mek hian Kohhran, Khawtlang, chhungkua leh mimal ah harsatna leh buaina nasa tak min thlen avangin he dan hi titawpin MLTP Act kan hman \hin ang kha hman leh ni rawh se' tih chu sawiho anih hnuah hnawl a ni.

Zoram Nationalist Party (ZNP) Serchhip Block chuan nimin khan Serchhip AOC Veng-a Lalrinliana In-ah hruaitu thlanna neiin he hun hi ZNP General Hqrs. hruaitu ten an rawn hmanpui a, President atan Ralliana, Serchhip Field Veng, Vice President atan R. Zakapa, New Serchhip leh Lalsipaia, Chanmari Veng bakah Treasurer atan Rammawia, IOC Veng te thlan an ni a, Adviser atan mi 3- Lalrinliana, AOC Veng, F. Zahleia leh Pachhunga, New Serchhip ve ve te thlan an ni bawk.

Nimin March 24, 2017 khan Serchhip P&E Veng-a Leisekawt Field-ah Chapchar Kut 2017 chu hlawhtling taka hman a ni a,  Serchhip Sub-Hqrs. YMA President, R. Sanghmingthanga chu Kut thlengtu niin Bawrhsap, Dr. Lalrozama, IAS chu Kut Pa a ni.

Mizo Zirlai Pawl (MZP) chuan Vishal Mega Mart chuan LRM Building Bawngkawn Aizawl-ah sumdawnna lian kalpui tumin an inbuatsaih mek nia sawiin, \halo an tih thu an sawi.

Kumin ah TB vei mi 13 hmuhchhuah an ni tawh Sorkar chuan TB natna enkawl dan thar ruahmanna a siam a, hemi chungchang hi nimin khan Serchhip District chhunga Medical Officer (MO) te tan zirhona neih a ni. Hetihlai hian kumin January thla a\anga nimin thleng khan Serchhip District-ah hian TB vei mi 13 hmuhchhuah an ni tawh bawk.

** Serchhip tana hman tur Grass thleng \ep tawh 

Zirtawpni kalta khan Rs. 31,78,909/- senga sak Presbyterian English School Khawlailung Building thar chu District Education Officer, Lawmawma chuan a hawng.

Tunkar Zirtawpni-a Serchhip-a Chapchar Kut hmang turin inbuatsaihna kalpui mek a ni a, Chapchar Kut hi Leisekawt Field-ah March 24, 2017 zing dar 11:00 a\anga hman tur niin Kut Pa atan District Bawrhsap, Dr. Lalrozama a ni a, Sub-Hqrs. YMA President, R. Sanghming-thanga chu Kut thlengtu a ni ang. Chapchar Kut-ah hian Serchhip-a YMA Branch hrang hrang ten Hnam Lam an entir dawn bakah Serchhip khawpui pawn lam a\angin Sailulak Branch YMA leh Chhingchhip Mualpui Branch YMA te pawh an rawn kal dawn a ni.

Serchhip District Consumer Association buatsaihin Inrinni zing khan Serchhip Bazar-ah 'World Consumer Day' hman a ni a. Kumin a he Ni Thupui atan hian 'Consumer Rights in the Digital Age' tih hman a ni.

PWD Serchhip Division chuan Serchhip khaw-pui chhung kawngpui siam\hat hna an thawh chu chhunzawm zelin tunlai hian Serchhip Bazar leh Hmar Veng YMA Hall panna kawng leh IOC Veng, NH. 54 a\anga DC Office panna kawng siam\hat hna an thawk mek a. Tarlan tawh angin PWD te hian Fur ruahtui tlak hma ngeia khaw-pui chhung kawngpui siam\hat hna thawk tur hian nikum kumtawp lam a\ang khan theihtawp chhuahin hma an la tawh a ni.

Nimin khan Serchhip District Bawrhsap Pisa-ah District Bawrhsap Dr. Lalrozama, IAS hovin R. Ralkhuma, Chief Manager, Lead Bank leh District chhunga Bank hrang hrang Manager leh mi pawimawh ten Adhaar Number leh Bank Account Number thlunzawm chungchanga Campaign neih dan tur relin Special District Level Consultative Committee an nei.

SCERT in a buatsaih State Level National Talent Search Examination result tihchhuah tak ah National Talent Search Examination hmachhawn tura zirlai tling mi 25 zingah Marian H/S Serchhip a\angin zirlai 7 an tel.

Rehabilitation Council of India leh SCERT, Aizawl \angkawp buatsaihin rualbanlote ham-\hatna leh an dinhmun chawikanna tura hmalak dan tur hrang hrang zirhona leh sawihona ni thum awh tur chu Serchhip-ah neih mek a ni.

Law and Judicial Minister, Lalsawta chuan Gauhati High Court, Aizawl Bench Building thar chu tun a\anga reilote ah sak \an thuai tum a ni tih House a hrilh.

Nimin a Mizoram Legislative Assembly inkhawm ah Chief Minister, Lal Thanhawla chuan Mizoram chu thlai engkim \hat duhna hmun anih avangin state intodelh leh state awhawma siam theih a ni, a ti a. Session \an Ni-a Larsap thusawi chungchanga lawmthu sawina Motion putluh chu lungrual taka pass a ni bawk.

Mizoram Legislative Assembly 7-na \hutkhawm vawi 12-na nimin a \an Ni-ah Mizoram Governor, Lt. Gen. (Rtd) Nirbhay Sharma chuan House chhungah thu sawiin, sokar kum liamta chhunga Mizorama hmasawnna leh sorkar hmalakna hrang hrang a sawi 

Aizawl khawpui huamchhunga Mizoram People Forum (MPF) hruaitute Inhmuhkhawmna hun chu niminpiah khan Aizawl-a Synod Conference Centre-ah neih a ni a, he hunah hian MPF President, Rev. Lalzuithanga chuan, “Kan ram siam\hat nan Chanchin\ha a pawimawh ber a ni,” a ti.

Serchhip District Chemists and Drugists Association chuan nimin khan CMO Confe-rence Hall-ah General Meeting hruaitu thlanna an nei.

Serchhip-a AH&Vety Department chuan nimin khan an Department hnuaia NLUP thlangtute hnenah NLUP \anpuina an sem-chhuak.

Nimin March 14, 2017 khan Indian Vision Institute leh Zoram Entu Pawl (ZEP) \angkawp chuan Serchhip leh Chhingchhip-a zirlai naupangte hnenah a thlawnin Tarmit an sem.

Mizoram Legislative Assembly Budget Session chu Vawiin, March 14, 2017 a\ang hian neih \an a ni dawn a, tun thla ni 30 thleng a awh ang.

Serchhip in Zoram Kohhran Hmeichhe In-khawmpui Lian a thlenna atana hman Pandal chu nimin khan hnatlang-a \hiah nghal a ni a, nimin a hnatlang ah hian khawchhung hmun hrang hrang a\angin mi 300 chuang an thawkchhuak a, nimin khan a ruhrel te chu \hiah nghal niin Pandal \hiahna ah hian C. Lawmzuala, Serchhi Field Veng chu chesual palhin a ke-artui leh Banrek ruh a tliak a, Serchhip damdawi In ah hruai nghal a ni bawk.

Tunhnaia Serchhip Entlang-a Reliance Telecom Company te Battery leh BTS Card rutu a puh mi 3 leh heng mite thil hralhruk lo leitu mi 2 te chu Serchhip Police ten an man.

March ni 15, 2017 aia tlai lova Lo hal ngei ngei tura sorkar thupek chu sawn hlat a ngai dawn niin Agriculture Minister, R. Lalzirliana’n a sawi.

UPC North East India Aizawl East Distict Conference chu Ningani zan a\ang khan Chhiah-tlang-ah neih a ni a, nizan khan a \iak a ni.

Zirtawpni zan a\anga neih Mizoram Presbyterian Kohhran Hmeichhe Inkhawmpui Lian Vawi 47-na, Serchhip P&E Veng Leisekawt Field a neih chu nizan khan a \iak ta.

Serchhip Field Veng-a Auditorium panna kawng laihzauh hna chu nimin khan chhunzawm leh a ni a, nimin a he kawng laihzauh hna thawhna ah hian Auditorium leh Sports Complex Field sak hna thawktu, Agni Shanti Company ten an JCB thawhin khawchhunga mi tlawmngai ten leivung paihna tur Motor an thawh leh bawk a, tunah hian he kawngpui zauhna chin blacktop-na tur laih mek a nih bakah Health Department ram-chhunga Staff Quarters pakhat bul pawh laih leh tur a ni a, a bulhnaia Electric ban te pawh sawn a ni tawh a ni.

Sorkar laipuiin sum fai tello a thil lei leh hralh leh pawisa khawih chet dan (Cashless Economy) kalpui tura hma a lakna chungchang mipuite hnen a hrilh hriatna hun Digidhan Outreach Cam-paign/Awareness chu nimin khan Serchhip Bazar-ah neih a ni.

‘Tu te mah inlahrang thei kan awm lo’ - Chief Minister Mizote Kut zinga ropui leh hriathlawh ber Chapchar Kut chu nimin khan Mizoram hmun hrang hrangah hman a ni a. Chapchar Kut 2017 lawmna pui ber chu  Aizawl Sipai Lammual-ah neih niin Chief Minister, Lal Thanhawla chu Kut Pa a ni a, Art & Culture Minister, R. Romawia chuan kut a thleng a ni bawk.

MNF Programme & Policy Implementing Committee-in Socio-Economic Development Programme (SEDP) an duan chu tun thla ni 23 khian an tlangzarh dawn.

MZP Hqrs. Mamit chuan Govt. Mamit Col-lege-a Assistant Professor pakhat chu thlaktu awmlo a Govt. Serchhip College-a sawn tum a nih avangin nimin khan Assistant Professor sawnna tura Order chu Mamit-ah an hal.

Serchhip Town Development Committee hmalakna in Serchhip IOC Veng a\anga P&E Veng panna kawng laihzauh hna nimin khan thawh \an a ni.

 PWD Serchhip Division chuan Serchhip khawpui chhunga inkalpawhna kawngpui hrang hrangte siam\hat hnachu nikum October thla a\ang khan thawkin, nimin thleng khan heng kawngpui siam hna hi chhunzawm ala ni a. Tunah hian an hnathawh tur ruahman lawk 13 zinga hna 8 chu zofel tawhin hna 2 thawh mek a ni bawk.

Nimin khan Govt. Serchhip College Smart Class Room-ah 'National Science Day-2017' chu Govt. Serchhip College leh Mizoram Science Technology and Innovation Council (MISTIC) te \angkawp buatsaihin hman a ni.

Serchhip District Bawrhsap, Dr. Lalrozama, IAS chuan, ramchhung venhimna leh van boruak a chhiatrupna pumpelh nan thupek tichhuakin Serchhip District huamchhunga Sky Diving, Parasailing, Hot Air Ballon flying leh hetiang lam thil mimal emaw, pawl ang emaw-a ti tur leh huaihawt turte chuan Deputy Commissioner, Serchhip District Serchhip hnenah emaw, Indian Air Force a\angin phalna an la hmasa ngei tur a ni tih a tarlang.

imin khan Natonal Mental Health Prog-ramme (NMHP) hnuaia District Mental Health Programme, Serchhip District leh Light for Com-prehensive Development (LiFCoDe) \angkawp buatsaihin Lal Thanhawla Higher Secondary School, Serchhip-ah Mental Health Awareness Programme hman a ni.

Serchhip Sub-Hqrs. YMA chuan Sakhisih YMA Sanctuary-ah Inrinni khan hnatlangin zin veivak leh an Sanctuary tlawhtute tan tui intur an laksak.

Serchhip Town Development Committee chuan nimin chawhnu khan Serchhip Sub-Hqrs. YMA Committee Room-ah Meeting neiin an hmalak tawhna an thlirlet bakah hmalak zel dan tur an sawiho.

Serchhip District chhunga Internet Speed chak zawk leh Internet changtlung zawk a awm theihna turin nimin khan Serchhip District Bawrhsap, Dr. Lalrozama, IAS hovin Serchhip District-a Government of India Undertaking Internet Provider - BSNL Serchhip Office hotute leh District Officer pawimawhte chuan \hutkhawm an nei.

Inrinni kalta khan LifeCode leh National Mental Health Programme (NMHP) bultumin Mental Health Awareness Campaign leh Free Clinic chu Serchhip Hmar Veng YMA Hall-ah neih a ni a, Serchhip CMO, Dr. Laldawngliana Sailo chuan a hawng a ni.

Serchhip Chanmari Vengthar-a DIET Of-fice chu Zirtawpni zan khan misual tu tih hriatloh ten rawkin pawisafai engemaw zat rukchhuah a ni.

Serchhip District chu khawlai-a inthiar awmlohna, Open Defecation Free (ODF) District-a puang turin hmalak mek zel a ni a, District chhunga chhungkaw 1346 te tan Sanitized Latrine sakna tur dil mek niin he sum hi tihfel a nih chuan Serchhip District chu khawlai-a inthiar awmlohna, Open Defecation Free (ODF) District-ah puan theih a ni ang.

Nimin khan Mizoram Upa Pawl (MUP) E.Lungdar Area Conference Vawi 11-na chu Thangburha Hall, E.Lungdar ah neih a ni a, Dr. K. Lalbiakzuala, Director NHM chuan khuallian niin a hmanpui a ni.

Aizawl leh Tuipang inkar kawngpui, National Highway 54 chei \haa laih zauh belh nan sorkar laipui in cheng vbc. 6,168 pek a remti.

Tuichangral South Group YMA Confe-rence Vawi 45-na chu Zialung Community Hall, Biate-a neih chu nizan khan a \iak a, he Group YMA Conference hi Mizoram State Women Commission-a Chairperson, Vanlalawmpuii Chawngthu, MLA chuan khuallian niin a hman-pui a ni.

Mizo Zirlai Pawl (MZP) Hqrs. Serchhip hruaitute chuan nimin khan Serchhip-a awm 10th Assam Rifles-a Commandant, Col. Ku Karumbiah, SM chu hmuin zirlaite mamawh leh an ngaih pawimawh te an thlen.

 Monitoring Committee on Article 275(1) chuan Bawrhsap pisa-ah Line Department hrang hrang te Tribal Sub-Plan siam enfiahna an nei a, he hun hi an Chairman leh Bawrhsap ni bawk Dr. Lal-rozama, IAS hova neih a ni.

Niminpiah khan Serchhip District Bawrhsap Pisa-ah District Bawrhsap, Dr. Lalrozama, IAS leh Dr. K. Lalbiakzuala, Director, Health and Medical Education leh Official pawimawh ten Serchhip District Hospital thar (Extended District Hospital) sak hna bul \an thuai a nih theih dan tur an rel.

Counter Insurgency and Jungle Warfare School Vairengte hotupa, Commandant, Maj. Gen. M.S. Ghura chuan nimin khan Chief Minister, Lal Thanhawla chu a chenna In-ah kawmin CIJW chu Indian Army hmun chhuanvawr anih thu a sawi. 

Tun thla ni 6-a Mizoram Sorkar hnuaia Secretary-te \hukhawm chuan Office dawrtu tur mipuite tan a awlsam leh remchan zawk theih nan Senior Officer-ten interview hun bithliah se tiin an rel.

Hrangturzo biala Puantah zir te hnenah Indus-try Department chuan nimin khan Puantahna khawl leh Puantahna In sakna tur \anpuina an sem a, bialtu MLA, Vanlalawmpuii Chawngthu, Mizoram State Women Commission Chairperson ni bawk chuan a hmanpui.

Bungtlang Chhim Veng Branch YMA chuan Tuichang Lui an humhalh chhunga Sangha man mi 2 te chu nimin zing khan an Sangha manna hman-rua leh Sangha man sa te nen an man.

Serchhip District chhunga zirna In 18 te dinhmun zirchianna tura hmalakna tur sawihona leh inzirtirna chu nimin khan Serchhip-ah neih a ni.

Nimin khan Serchhip District Bawrhsap Pisa-ah Deendayal Antyodaya Yojana-National Urban Livelihoods Mission (DAY-NULM), Serchhip District Executive Committee chu \hukhawmin Serchhip District chhunga hmalak dan tur hrang hrang an rel.

UD&PA Minister, Zodintluanga chuan nimin khan Pradhan Mantri Awas Yojana (PMAY)- Housing For All chu Aizawl-a Lal Thanhawla Auditorium-ah a hawng a, PMAY hi Mizoram puma District-ah kalpui tur a ni ang.

NIAS-a zirlai buaina chungchang chhuichian a nih theihna tura LE&IT changtu Minister, Lal-rinmawia Ralte-in Chief Minister hnena a banna thehluh chu Chief Minister chuan pawm a nih thu nimin khan thuthar lakhawmtute a hrilh a. Hemi hmalam hian Mizoram Youth Commission Chair-man, T. Sangkunga banna chu pawm a ni tawh bawk a ni.

Serchhip District Rural Development Agency (DRDA) chuan nikum October thla a\anga December thla thleng khan MGNREGA hnuaiah mipuite tan ni 17 atan inhlawhna an siam tawh.

Serchhip District Development Co-ordination and Monitoring Committee (DDCMC), DISHA tia sawi bawk chu nimin khan Serchhip DC’s Conference Hall-ah an Chairman, CL. Ruala, MP Lok Sabha hova \hukhawmin nikum October a\anga December, 2016 chhunga District chhunga hmalakna hrang hrang an thlirho.

Kangmei lakah i fimkhur ang u - Laldinpuia

Nimin Feb. 20, 2017 kha Mizoram State Day vawi 30-na a ni a, Mizoram State chhungah sorkar chawlh puan a ni a, a hmanna hun hranpa erawh siam a ni lo a. Mizoram Larsap chuan remna leh muanna nei turin kum 20 chhung teh meuh rambuai kan paltlang tih sawiin, harsatna tam tak paltlang hnua State sual chhuah hi ngaihlut tur a nih thu a sawi.

Nimin zing tuk\huan eikham, dar 8:00 vel khan Serchhip IOC Veng-ah Auto Rickshaw pakhat chu a tlan laiin a kang a, vanneihthlak takin mihring thi leh hliam an awmlo.