Serchhip District tana Tribal Sub Plan siam enfiahna nei

 Monitoring Committee on Article 275(1) chuan Bawrhsap pisa-ah Line Department hrang hrang te Tribal Sub-Plan siam enfiahna an nei a, he hun hi an Chairman leh Bawrhsap ni bawk Dr. Lal-rozama, IAS hova neih a ni.

He \hutkhawm ah hian Bawrhsap, Dr. Lalrozama chuan, “Tribal mipuite tana India ram sum bawm a\anga a hrana chheh ngat, India Danpuiin duhsak taka min en-kawlna rahchhuah hmang turin Serchhip District a inbuatsaih a ni a. Kan hman theih tur sum lokal chu a tlem emaw a tam emaw, a lokal chhan kan mipuite tana \angkai ngei tur thawh nan kan hmang tur a ni,” a ti a. “Chuvang chuan a tir rua-hmanna a\anga fimkhur tak leh felfai taka kan inpuahchah a ngai a, kan mamawh dik tak kan chian pawh a \ul a ni,” tiin Line Department aiawhte chu a fuih a. Ruahmanna awm ang ang te chu \ha thawkhat viaua a hriat thu a sawi bawk.

India ram danpui, Constitution Article 275(1) behchhana ramchhunga Tribal mipuite tana hmasawnna tur hnathawhna (Tribal Deve-lopment Programme) sorkar laipuiin a rawn rua-hmanna ah kum 2016-17 sorkar kum chhung atan Serchhip District pawh cheng nuai 151.29 vel ruahman sak a ni a. Serchhip District tana ruahman sum hi mipuite tana \angkai taka hman a nih theih nan hmasawnna kawng hrang hrang Education, Health, Agriculture & Allied, Com-merce and Industries, Administrative Structure, Skill Development leh Sports lam atan te semdarh leh a ni a. Heng kawng hrang hranga hnathawh dan tur hi a bawhzui tura thlan Department te chuan plan an siam a. Chung an plan siamte chu he \hutkhawm ah hian District Level Planning and Monitoring Committee chuan an enpui a ni.

Niminpiah a Meeting hian line Department plan \henkhat siam\hat ngai la awm nia a hriat te a siam rem hnuin thuneitu sang zawk, State Level Committee lama thehluh atan a pawm ta a ni.