DEO in School building hawng

Zirtawpni kalta khan Rs. 31,78,909/- senga sak Presbyterian English School Khawlailung Building thar chu District Education Officer, Lawmawma chuan a hawng.

Presbyterian English School Khawlailung Building thar hawnna hun ah hian District Education Officer chuan, “Zirna (Education) in a tum ber chu mi tu pawh a \ha thei ang ber chherchhuah hi a ni,” tiin Zirna innghahna lungphum pathum pawimawh tak tak te chu Zirtirtu, zirlaite leh nu leh pa te an nih thu a sawi a, School \ha ah chuan Discipline a \ha \hin tih sawiin, zirlai naupangten zirna \ha an neih theihna tur chuan nu lehpa te leh zirtirtute inchhem alh tawn \hin tur a ni, a ti a, School naupang leh nu leh pa kalkhawmte chu faina leh thianghlimna kawngah leh Zuk leh hmuama a fihlim tura \anla turin a fuih bawk.

School Building thar hawnna leh lawman Inkhawm hi School Managing Board Chair-man, Upa H. Sang\huama chuan a kaihruai a ni. Presbyterian English School Khawlailung Building thar hi Feb. 11, 2013 a\anga sak niin Jan. 9, 2017 khan sak zawh a ni a, School Building thar hi Concrete/RCC chhawng hnih niin tunah hian School naupang KG a\anga Class X thlengin zirlai naupang 172 leh thawktu 12 an awm a ni.