PES Serchhip-in Motivation Lecture Programme hmang

Presbyterian English School, Serchhip chuan nimin, April 27, 2017 khan ‘Motivational Lecture’ Programme hun hmangin he hunah hian Resource Person atan Vanglaini Chanchinbu Editor, K. Sapdanga chu hman a ni.

Presbyterian English School Serchhip in zirlaite tih phurhna atana an School Hall-a ‘Motivational Lecture’ Programme an hman hi he School Principal, Laldinpuia chuan kaihruaiin he huna thu sawi tura an sawm Vanglaini Chanchinbu Editor, K. Sapdanga chuan zirlaite fuihna thu \ha tak tak a sawi a. Zirlai te chu hlawhtling tur chuan thawhrim leh rinawm a ngaih thu te sawiin, hlawhtlinna kawng atana pawimawh ber chu zirlai te an nih thu a sawi a, zirlaite chu tum neia lehkha zir tura fuihin, sorkar hna ringawta a innghat lova mahni dinchhuahna leh mahni tuina zawng thlang thiam turin a fuih bawk. Vanglaini chanchinbu an enkawl chhoh dan leh harsatna hrang hrang an lo hmachhawn tawh dan te zirlaite hmaah anmahni fuihna atan a sawilang bawk.

Presbyterian English School Serchhip te hian Motivational Lecture Programme hi kumtin an buatsaih \hin a, he hunah hian Mizoram a milar leh mite hriathlawh bakah an eizawnna kawnga mithiam leh mi chhuanawm te thusawi turin an sawm \hin a. Zirlaite pawhin an hlawkpui \hin hle a ni. Presbyterian School Serchhip-ah hian KG a\anga pawl 10 thleng zirna awmin zirlai naupang 771 an awm mek a, Principal hovin Teaching Staff 22 leh Non-Teaching staff 10 an awm mek a ni.