Latest News

Serchhip Bazar Building-ah thil zawrh lai misual in hal sak

Serchhip Bazar Building chhunga thil zawrh-lai \henkhat chu nimin zing khawvar hma khan misual tu tih hriatloh ten an hal sak a, vanduaina nasa zawk a thlen hmain kangmei hi \helh hman a ni.
Thudawn danin nimin zing dar 3:00 vel khan Serchhip Bazar Building chhawng chung, kawng-khar bula Lianziki w/o Saikhuma, Serchhip Darnam Veng ami thil zawrhlai chu kangin kang-mei a chhuak tih hi nizan  mitthi In-a kal haw ten hmuin Bazar enkawltute an hriattir hnuah kang-mei nasa zawk a chhuah hmain \helh nghal a ni.
He thil thleng chungchangah hian kang-mei tuartu, Lianziki hian Serchhip Police Station-ah FIR thehlut nghalin he FIR-ah hian Serchhip Bazar building chhung, Gate bula a thil zawrh te chu a kan thu leh hetah hian a thil zawrlai \ha-hnem tak a kanchhiat thu a tarlang a. A thil zawrh kangchhe zingah hian Bekang Kg. 9, Chhawh-chhi Kg. 60, Badam pack 100, Laphe Tauh Kg. 30, Kurtai Kg. 50, Bete No 30, Bekang ro pack 100, Sangha rep, Hmarcha ro, Cherry, Grape, a thil zawrh bukna atana a hman Patla leh a thil zawrh dahna Chawhtawlh 7 a tel thu a tarlang a ni. He thil thlenna hmun hi Serchhip Police te chuan enfiah nghalin thil \ul ang ang an tifel nghal a, pawikhawihtu chhuichhuah ngei tumin hma an la nghal a ni.

Comments

Popular News (Last 30 Days)